Karel III, bygenoamd den Dikkn, van 't Huus van de Karoliengers (13 juni 839 - Neudingen, 13 januoari 888) was e zeune van Lodewyk den Duuts en Emma. Je was keunienk van Zwaabn (Alemannië) van 876, keunienk van Italië van 879, keizer van 881, keunienk van Oost-Francië van 882, en keunienk van West-Francië van 884.

Karel den Dikkn
839- 888
Rôomse keizer
Periode881-888
VôorgangerKarel de Kletsn
IpvolgerGuido van Spoleto
Keunienk v. Oost-Francië
Periode882-887
876-882 (ollêne in Zwaabn)
VôorgangerLodewyk den Duuts (Zwaabn)
Lodewyk III de Joungn
(Saksn en Beiern)
IpvolgerArnulf van Karinthië
Keunienk van Italië
Periode879-888
VôorgangerKarloman van Beiern
IpvolgerBerengar van Friuli
Keunienk v. West-Francië
Periode884-888
VôorgangerKarloman van West-Francië
IpvolgerOdo I
VoaderLodewyk den Duuts
MoederEmma

Achter den dôod van zyn voader in 876 wierd ’t ryk volgns de divisio regnorum verdêeld ounder de drie zeuns.

  • Karloman krêeg Beiern
  • Lodewyk krêeg Saksn
  • Karel krêeg Zwaabn (Alemannië).

In 879 krêeg zyn oudste broere Karloman, die keizer zou wordn, e beroerte en je most zyn bezittiengn verdêeln ounder zyn twi broers.

  • Lodewyk krêeg Beiern by zyn Saksn
  • Karel krêeg Italië by zyn Zwaabn

Karloman stierf in 880. J’had ollêne mor e bastoardzeune, Arnulf van Karinthië, die loater nog keizer en keunienk van Oost-Francië en Italië zou wordn.

In 881 wierd Karel deur paus Johannes VIII tout Rôomse keizer gekrôond.

Achter den dôod van zyn andere broere Lodewyk de Joungn in 882, krêegt ie Saksn en Beiern en kwamt ie keunienk van ’t were verênigd Oost-Francië. In december 884 stierf ook Karloman van West-Francië, e zeune van Karel zyn kozyn Lodewyk den Hakkeloare. Karel krêeg azo ook hêel West-Francië.

’t Karolingisch Ryk was nu were êen grôot ryk, lik in den tyd van Karel de Grôotn, mo vo nie lange. Karel kost zyn ryk nie verdedign teegn de Vikings, Magyoarn, Sloavn en Saraceenn en in 887 ist ie ofgezet in Oost-Francië. E poar weekn loater, den 13stn januoari 888, ist ie gestorvn in Neudingen dichte by Fürstenberg an den Donau. J’is begroavn in d’abdye van Reichenau. Arnulf van Karinthië, de bastoardzeune van zyn oudste broere Karloman, volgdeg hem ip in Oost-Francië.

In West-Francië was de wettign ipvolger, Karel de Simpeln, nog te jounk en te zwak en Odo I, van 't Huus van de Robertynn, wierd verkoozn tout keunienk.

Mè zyn vrouwe Richardis van Zwaabn had ie gin jounges en dus gin wettign ipvolger. J’ha wel e bastoardzeune Bernard, die jounk gestorvn is.

Karel den Dikkn
Zyn ryk tusschn 885 en 887