Lapscheure

Lapscheure
Liggienge in de gemêente Damme
Geografie
Provinsje	West-Vloandern
Gemêente	Damme
Coördinoatn	51°16′NB 3°21′OL
Oogteliggienge	{{{hoogte}}} m
Ippervlakte	13,35 km²
Inweuners – Bevolkiengsdichtheid	365 (01/01/2004) 27 inw./km²
Vintn Vrown	{{{mannen}}}% {{{vrouwen}}}%
Andre info
Postcode	8340
Zonenummer	{{{netn}}}
[[ofbeeldienge:{{{foto}}}|300px]] {{{byschrift}}}

Lapscheure is e dorptje in West-Vloandern en sedert de fusie van gemêentn in 1977 is 't e dêelgemêente van de stad Damme. 't Dorp is 1335 ha grôot en 't telt 365 inweuners. 't Ligt an d' Hollandsche grenze nie verre van Sluus.

Lapscheure is e landbouwdorp, een oase van rust deur z'n g'isoleerde liggienge. 't Krekengebied da bestoat van in de Middelêeuwen trekt woaterbêestn en trekveugels an. Nie verre van de dorpskern ligt er e nateurreservoat. De dykn zyn getuugn van d' inpolderienge. Ip de Damsche Voart ligt er een overzetbôotje, Kobus, woamee da je zelve kunt voarn van Hoeke noa Lapscheure.

D'oudste vermeldienge van Lapscheure is van 't joar 1019: Lappesscura. De noame komt verzekers van scheure of hofstee van boer Lappe.

't Bezoekn weird

Kyk noa Bouwkundig erfgoed in Lapscheure

• De kerke van Lapscheure (Heilige Drievuldigheid en Heilige Christianus) en de ruïne van d'êeste kerke. In 1640 was d'oude kerke nie mè te bereikn deur d'overstromienge. In 1649 is ter e nieuwe kerke gebouwd in Renaissancestyl.
• 't Lapscheurs Gat, e kreke die ountstoan is in 1583. De dykn te Zuudn van Sluus wierdn deur d'Hollandsche woatergeuzen deuregebrookn woadeure da hêel 't gebied zuudwoarts overstroomde.'t Woater da binnstroomde scheurde e geule uut: 't Lapscheurs Gat. Doaby wierd 't ôorsprounkelikke Lapscheure hêlegans van de koarte gevoagd. In 1611-1613 wierdn de Zêedyk en de Sint-Pietersdyk gebouwd vo de groundn t' herwinnen die ounder woater gezet woarn.
• De "Blauwe Sluus" uut 1746, geleegn ounder de Zêedyk an 't Lapscheurs Gat. Tusschn 1746 en 1843 regelde de "Blauwe Sluus" d' ofwoaterienge van de polders round 't Lapscheurs Gat. In 1830 mocht 't Belgisch woater nie mèr over 't Hollands groundgebied en doavôren wierd in 1847 Den Blienker ('t Leopoldkanoal) gegroavn die nu dient vo d'ofwoaterienge langs Heist noa de zêe. De Blauwe Sluus wordt dus nie mè gebruukt moar is den 30ste juli 1976 als monument erkend en gerestaureerd.

• 
  Overzetboôtje Kobus over de Damsche Voart in Lapscheure
• 
  Kerke van Lapscheure

Ofbeeldiengn die ier by passn ku je vien in de categorie Lapscheure van Wikimedia Commons.