Libeco-Lagae
Libeco-Lagae is een Mullebeeks bedryf. 't Is ne vlaswever en de grôotstn van België. D'oundernemienge telt 200 werkers en voert uut noar bykan hêel de weireld, mé e grôot stik noar Amerika.
Geschienisse bewerkn
Lik dat de noame zegt, is d' oundernemienge e fusie van twêe bedryvn: Libeco & Lagae. De soamnsmeltienge gebeurde in 1997 vôo e beetre concurrentiepositie te creëern.
Libeco wos ipgericht in 1864 in Mullebeke en wos in 't begun een ipslagplekke vôo thuus gewoovn linn. In Mullebeke werkte in dien tyde 65% van de bevolkienge vôor de vlasindustrie.
Lagae is een bitje êerder begonn in 1858 in Kortryk. Zydre on vanaf 't begun ol un echte weverie. Ondertussn gebeurt de productie van de vlasweefsels hêlemolle in Mullebeke.
In 1997 èt Libeco-Lagae ôok het Amerikaanse bedryf Hamilton Adams da gespecializeerd wos in decoroatiestoffn, overgepakt. Iermee en ze nu ôok ne stevige stok achter de deure in Amerika en stoan ze sterker in 't uusoudlinn.
Sedert 2002 is de Kortrykse specioalzoake Van Acker ôok dêel van de groep. Zydre werkn nog mêer gespecializeerde minsen die olle bordeursels met 't and moakn en azô dus keun inspeeln ip specifieke vroagn van rykere kallantn.
Activiteitn bewerkn
De activiteitn keund je ipsplitsn in twêe grôte dêeln:
- Weefsels vôor technische toepassiengn gelik vôor schilderyn te bespann of zetels 't overtrekkn.
- Weefsels vôor 't uusoudn gelik anddoekn, beddeloakns en klêern.