Lumina Domestica (Wijnzakstraat 2 in Brugge) eet de grotste collecsie lampn van hêel de wêreld. De collecsie van oungevêr 6300 lampn is eigndom van Eddy Van Belle die ook et socolamuseum Choco-story ipgericht eet.

In Lumina Domestica wordt er een oevrzicht getoogd van d' evolusie van de verlichtienge van in den tyd van de Neandertollers van 100.000 joar geleden, over et Magdalatydperk, wo dan de êeste lampn uut weregevounden zyn, d' oede Egyptenoarn en de Griekn en de Romeinen. Der ston ook lampn ût de middelêeuwen. Der wordn lampn getoogd van de Zwitser Aimé Argand die et systêem da me kenn van de petrollampe en de holle wieke uutgevoen eet.

Et proenkstik van et museum is een lampe die gemakt is volgenst de têkeniengn van Leonardo Da Vinci.