Manneken Pis van Koksyde

Manneken Pis van Koksyde is een replica van 't Manneken Pis van Brussel da teegn 't Bad Schallerbachpling in Koksyde stoat.

't Bèldjie wierd in 1923 deur een Brusselsn kolonel vo zyn villa Ma Tocade geplasèrd in de Quartier Sénégalais. Up 't voetstik stound 't upschrifte Le Nouveau Bourgeois de Coxyde - 16 août 1923, en 't wierd ol gauwe een ountmoetiengsplekke vô de chi-chi van Koksyde.

Achterof wierd 't bèldjie vervangn deur een Mariabèldjie, noa 't schynt deurdat een preutse gebeur der teegnup was gekommn, en 't oorsprounkelik Manneken Pis is verloorn gerakt. Uutendelik wierd up 21 juni 2008, Le Nouveau Bourgeois weer up zyn voetstik geplatst en onthuld in een ceremonie woada nie ollêne den burgemêester derby was, moar ook de Brusselse Orde der Vrienden van Manneken-Pis. 't Was den Orde die 't nieuw bêldjie hè geschounkn, ter vervangienge van 't originêel.

Externe koppelienge bewerkn