Nico Blontrock

Nico Blontrock (Brugge, 1 moarte 1963) is e mediafigeure die surtout gekend is in West-Vloandern.

Media

Nico Blontrock begost in de journalistiek by ’t persbureau van Filip Van Belle zoaliger in Brugge. Ze verzorgdn ton ounder andere ‘t West-Vlams nieuws vo de VRT. Azo kwam Nico Blontrock in contact met den openboarn omroep. Je stound mee an de wiege van ‘t VRT-net Radio Donna achter dat ’n een ende by de Nachtradio gewerkt ad. Achternoa gienkt ‘n noa Radio 2 West-Vloandern, woa dat ’n nu al viftien joar lank bezig is.

Varia

Nico Blontrock is ook freelance journalist. J’is ook nog betrokkn by e hêel dêel Brugsche evenementn en activiteitn via ‘t Comité vo Initiatief lik de Reiefeestn, de Gouden Boomstoet en ‘t megazangspektoakel Vlaanderen Zingt. J’is ook schryver van verschillige boekn over Brugge.

Bibliografie

• 2000 Het Vlaamse Trio
• 2004 Archiefbeelden Brugge I
• 2005 Archiefbeelden Brugge II
• 2006 Archiefbeelden Brugge III
• 2008 De vrouw van mijn leven, Ulrich werd Ulrike
• 2008 Brugge vertelt