Orne (departement)

Orne (61)
Liggienge binn'n Vrankryk
Regio	Normandië
Hoofdstad (Préfecture)	Alençon
Sous-préfectures	Argentan Mortagne-au-Perche
Ippervlak	6103 km²
Inweuners Bevolkiengsdichtheid	285.308 (2016) 47 inw./km²
Arrondissementn	3
Kantongs	21
Gemêentes	412
{{{foto}}} {{{byschrift}}}

Orne (61) es 'n departement in de regio Normandië in't nôordwestn van Vrankryk. De noame komt van de gelyknoamige riviere die deur 't gebied strôomt. Inweuners van Orne wordn Ornais genoemd.

Geschiedenisse

't Departement Orne es één van de 83 departementn die gecreëerd zyn binst de Fransche Revoluusje, de vierde moarte 1790. 't Groundgebied dervan bestoat vo 't grôotste stik uut d'istorische provinsje Normandië. E klêender stik in't ôostn en zuudôostn van't departement ôordigde by de Perche-streke.

Geografie

Orne grenst an de Fransche departementn Calvados in't nôord'n, Eure in't nôordôostn, Eure-et-Loir in't ôostn, Sarthe en Mayenne in't zuud'n en an Manche in't westn.

't Departement Orne bestoat uut drie arroundissementn (Alençon, Argentan en Mortagne-au-Perche) en et 21 kantongs en 412 gemêentn. Orne es vrêe landelyk en der zyn eigntlyk gin echt grôote stee'n. De grotste gemêent'n noar inweunertal zyn Alençon, Flers, Argentan, L'Aigle en La Ferté-Macé.

De riviere d'Orne ountspriengt ier in't midd'n van't departement by de plekke Aunou-sur-Orne, en strôomt ezo noa't nôordwestn richtinge de Calvados en 't Iengels Kanoal. O de zuudkantn van't departement ligt e gedêelte van't Regionoal nateurpark Normandie-Maine, woavan der ôok stikkn in Mayenne en de Sarthe liggn. In't zuudôostn ligt et Regionoal nateurpark van de Perche.

Externe koppelienge

• Site van de prefecteure van Orne
• Site van d'n touristischn dienst van Orne

Ofbeeldiengn die ier by passn ku je vien in de categorie Orne van Wikimedia Commons.