Dit artikel zou beter herschreevn zyn in 't Kortryks.

Petra Santy (Kortryk, 8 november 1982) is e West-Vlamsche kajakster.

Ze studeerde Moderne Toaln-Wiskunde (1e en 2e groad, Don Boscocollege, Kortryk), Sportweetnschappn (derde groad VHTI, Brugge) en Regentoat L.O. en Bewegingsrecreatie (RENO, Tourhout). Z'is ofgestudeerd in juni 2003.

Sedert 2006 weunt ze in Otegem, dêelgemêente van Zwevegem mè Tom Cremers, ook kajakker van KSKZ Sobeka Kanoclub van Zwevegem.

Heur keuze vo kajak is bepoald gewist deur een allergie vo stof. Kajak en zwemmn woarn de beste sportn vo da probleem te beperkn. Via Kanoclub Sobeka Zwevegem groeide Santy noa nationaal niveau. Ip 't EK 2004 in Poznan pakte ze e zilvern medaille. Ip WK's hoalde ze in 2003 (8ste), 2005 (9ste) en 2006 (9ste) de A-finalle.

Van 2003 tout 2008 kreeg Petra Santy e profstatuut by Bloso. Heur coach was Carlos-Manuel Prendes García-Barrosa (Belgische bondscoach) en heur kinesist was Marc Walravens.

Olympische Speeln bewerkn

Achter heur achtste plekke ip 't WK 2003 in Gainesville en heur zilvern medaille ip 't EK in Poznan in meie 2004, is ze geselecteerd gewist vo d'Olympische Speeln in Athene in 2004. Ze miste nipt de finalle en endigde ip de 10ste plekke.

Vo d'Olympische Speeln 2008 in Peking hoalde ze de selectienormen van 't IOC (Internationaal Olympisch Comité), moa nie van 't BOIC (Belgisch Olympisch en Internationaal Comité).

In september 2008 is ze gestopt mè topsport.

Varia bewerkn

  • Heur drie broers Bert, Piet en Tim zyn basketters.

Externe koppelienge bewerkn