Robert II van Artois

Robert II van Artois of van Artesië (17 september 1250Kortryk 11 juli 1302) was een postume zeune van graaf Robert I van Artois en Mathilde van Brabant (en dus een klêenzeune van de Fransche keunink Lodewyk VIII), en was graaf van Artesië van by z'n geboorte.

Robert II van Artois
1250-1302
Groaf van Artois
Periode1250-1302
VôorgangerRobert I van Artois
IpvolgerMahaut van Artois (betwist
deur Robert III van Artois)
VoaderRobert I van Artois
MoederMathilde van Brabant

In 1270 deed y mee an de achtste kruustocht no Tunis. In 1296 versloegt y de Iengelse in Aquitanië. Ip 20 ogustus 1297 versloegt y in Bulskamp by Veurne de Vlamingn woadeure dan de Fransche 't graafschap kunn bezettn. In die Slag by Bulskamp sneuveldige z'n zeune Philippe van Artois ip 20 ogustus 1297. Je stierf e joar loater.

Robert II was een nounkel van de Fransche keuniginne Joanna I van Navarra en wierd beschouwd ols de beste bevelebber van Frankryk. 't Was ton oak logisch dat de Fransche keunink Filips den Schoonn em an 't oofd stelde van 't ridderleger da de Vlamingn in 1302 een lestje moest lêern. Moa de slag ip den 11ste juli, die loater de Guldnspoornslag genoemd wierd, is den oundergank gewordn van 't Fransche leger en van Robert van Artois zelve. Ip 't moment dat y kost in de Vlamsche rangn deurebreekn wierd y deur Willem van Saeftinghe van z'n peird gesleegn. Volgenst sommigste kroniekschryvers wildet y em overgeevn, mo kendn de Vlamingn gin genade.

Robert II trouwde in 1262 in Parys me Amicie van Courtenay. Under jounges:

  • Mahaut (of Mathilde) (1268–1329)
  • Philippe (1269–1298). Zyn zeune Robert III claimde den titel van groaf van Artois.
  • Robert (1271, jounk gestorvn)

Achter 'n dôod van Amicie ist ie nog twi kis getrouwd: in 1277 met Agnes van Dampierre en in 1298 me Marguerite van Avesnes, dochter van Jean I van Avesnes en klêendochter van Margaretha van Constantinopel.

Robert sneuvelde ip 11 juli 1302, in de Guldnspoornslag. Angezien zyn êenigste zeune Philippe ol idder gestorvn was en hem dus nie kost ipvolgn, begost er e stryd tusschn Philippe zyn zeune, Robert III, teegn zyn tante Mahaut.