Roger Henri Kamiel Raveel (Maaln, 15 juli 1921 - Deinze, 30 januoari 2013) was e Vlamsche postexpressionistische kunstnoare en keramist. Je combineerde abstracte en figuratieve kunst. Je gebruukte heldere kleurn en typisch vo zyn werk zyn witte vierkantn.

Werk van Roger Raveel in de metrostoasje Mérode in Brussel

Leevn en werk bewerkn

Raveel volgde zyn ipleidienge êest in Deinze en doarachter an de Keunienklikke Academie vo Schône Kunstn in Gent. Je makte in 't begun van zyn carrière surtout abstracte werkn.

Je was bevriend met Hugo Claus en in de joarn 1960 wierd hy in Vloandern anzien lik 't enfant terrible van de schilderkunst. Je was actief in 't kunstnoarscollectief 'Nieuwe Figuratie' die in 1966 de kelders van 't kastêel in Beirvelde beschilderde. Êen van zyn grotste kunstwerkn is de beschilderienge van de metrostoasje Mérode in Brussel in 1977.

Raveel bouwde in 1999 zyn eign Raveelmuseum in zyn geboorteplekke Moaln. In 2003 hèt hy in 't kader van de kunstmanifestoasje Beaufort 2003 e tramstel van De Lijn beschilderd. In 2007 ist er in Ostende e retrospectieve g'organiseerd vo zyn 85ste verjoardag.

Raveel is an zyn 91 joar gestorvn in e klinieke in Deinze an e loungountstekienge.

Pryzn en titels bewerkn

  • Prys vo de Jounge Belgische Schilderkunst (1958 en 1960), êervulle vermeldienge
  • Ounderscheidienge in de Europaprys (1962)
  • Internationale Joost vanden Vondelprys (1983)
  • Goudn Êrepennienge van de Vlamsche Road (1992)
  • Oadellikkn titel van Ridder (1995)
  • Van Ackerprys (1996)

Externe koppeliengn bewerkn