Rudy Provoost
Rudy Provoost (Ostende, 16 oktober 1959) is 'n bestuurder en oendernemer.
Persôonlik bewerkn
Rudy Provoost groeide ip in Gistel en je studeerde psychologie an 'n universiteit van Gent en bedryfskunde an de Vlerick Business Schole, woa dat 'n ook lid gewordn is van de road van besteur.[1] [2] Binst zyn legerdienst in 1983-1984 was Provoost 'n officier by de medischn dienst van 't Belgisch leger.
Carrière bewerkn
Provoost startte zyn professionele carrière in 1984 by Procter & Gamble Benelux, woa dat 'n betrokkn was by verschillige projectn.
In 1987 begost 'n als Marketing Planning Manager by Canon België en in 1989 wierd 'n benoemd tout General Manager Marketing vor al de bedryfsounderdêeln.
Rudy Provoost makte in 1992 den overstap noa Whirlpool als General Manager vo België, woa dat 'n verschillige postn haad van Europeesche VP Consumer Services en Europeesche VP Sales tout Europeesche VP Marketing en VP Whirlpool Brand Group van Whirlpool Europa.
In 2000 startte Rudy Provoost zyn carrière by Philips als Executive Vice President Consumer Electronics Europe. In 2004 wordt Provoost de boas van de volledige Philips Consumer Electronics business. In 2008 wordtn de boas van Philips Lighting tout in 2011. [3] [4] [5]
Van oktober 2011 tout in juni 2016 is Provoost de grôotn boas by Rexel in Frankryk, e multinational met 28.000 personêelsleedn, gespecialiseerd in de distribuusje van elektrisch materioal.[6]
Lidmoatschappn bewerkn
Rudy Provoost is momenteel lid van de road van besteur van Elia, de road van toezicht van Randstad en nog altyd lid van de road van besteur van de Vlerick Business Schole. Van ogustus 2004 tout meie 2008 wasn de president en vôorzitter van de EICTA (European Industry Association) en van 2006 tout 2008 directeur en vôorzitter van de road van besteur van LG-Philips LCD (referentie 9). Provoost was vroeger ook lid van de road van besteur van TCL Corporation en van de EFQM (European Federation of Quality Management).