Sabine de Bethune

Sabine de Bethune (Leopoldstad (nu Kinshasa), 16 juli 1958) is e West-Vlamsche politica en sedert 1995 senatrice vo de CD&V. De 10stn oktober 2011 volgde ze Danny Pieters ip ols vôorzitter van de Senoat.

Ze komt uut en oadellikke familie. Heur voader, Emmanuel de Bethune, wos burgemêester van Marke en Kortrik. Jean-Baptiste de Bethune (1821-1894), architect en belangrykste verteegnwoordiger van de neogotiek in België, is heur overovergrotvoader. Heur moeder is dochter van Karel van Cauwelaert de Weyls (1905-1987), senateur gewist vo de CVP en hoofdredacteur van de gazette Het Volk.

De Bethune lêerde vôort vo Rechtn an de K.U.Leuven en wos in dien tyd by de 'CVP-jongeren'. Van 1983 toet 1988 wos ze avocoate in Kortrik en in de joarn tachentig wos ze arrondissementêel vôorzitster van de 'CVP-vrouwen'. Vanof 1987 toet 1995 werkte ze ip 't kabinet van CVP-minister Miet Smet (êerst stoatssecretoaris vo 'Leefmilieu en Maatschappelijke Emancipatie' en vanof 1992 minister van 'Arbeid en Gelijke Kansen').

Externe koppelienge bewerkn