Sepia (kleur)

Sepia is e doenkere bruyn-grysde kleurstoffe, vernoemd noa 't bruyn pigment uyt d'n intezak van intespugers sepia. 't Woord sepia is de gelatiniseerde vorm van 't Grieks σηπία, sēpía, intespuger.

Sepia-inte wierd vele gebruykt vo te schryvn in d'n tyd van de Grieks-Romeinsche beschoavynge. 't Bleef toet in de 19e eeuwe algemeen in gebruyk by kunstnoars. Grisaille is e schildertechniek die in de 14e eeuwe oentwikkeld is en woarby dat e schilderie allene moa bestoend uyt grysdetintn, sepia of doenkergroen. In 't latste quart van d' 18e eeuwe oentwikkelde professor Jacob Seydelmann uyt Dresden e proces vor e geconcentreerde vorm van sepia te produceern vo te gebruykn in aquarel en olieverve.

Sepiatonynge is e chemisch proces die in de fotografie gebruykt wordt vo de zwart-witofdruk te verandern in bruyn. De kleur wordt g'associeerd met antieke fotto's. Vele digitale camera's en beeldbewerkyngssoftware hèn nu e sepia-toonfilter vor e sepia-effect.