Sint-Christoffelkerke (Brugge)

De Sint-Christoffelkerke was e Brugsche kerke, die tusschn de nôordkant van de Markt, den Eiermarkt en de Geernaartstroate stound en nu nie mi bestoat. Ol van in 961 is ter sproake van e kapelle ip de markt.

De Sint-Christoffelkerke deur Jan Beerblock (1780)
Vanounder de Sint-Christoffelkerke deur Marcus Gerards (1562)

De kerke was gewyd an Petrus, e patrôonillign van de visschers en visverkopers. Under gildnhuus stound e bitje verder.

In den tyd van de Calvinistische Republiek tusschn 1578 en 1584, was 't d'êeste kerke die gebruukt wierd vo Protestantsche dienstn.

De kerke wierd ofgebrookn in 1786 en d'r kwoamn neoclassicistische huuzn in de plekke, nu de café-restaurangs de Beurze, Sportman, Café Francais, Belfort en de Carré.

‘t Is dudelik te zien woa da de Sint-Christoffelkerke stound, want d’huuzn lienks van ‘t Geernaartstratje stoan mêer voruut of de café-restaurangs reks van ‘t stratje, me Le Panier d'Or, 't derde puntdak, ‘t ambachtshuus van de ticheldekkers en La Civiere d'Or, ’t derde latste huus en ’t ênigste zounder puntdak, ’t ambachtshuus van de visschers en visverkopers.

Lienks tout an ’t Geernaartstratje de café-restaurangs woa da de kerke stound