Speeglreie

Dat artikel es geschreevn in 't Noordelik West-Vlams.

De Speeglreie is e woatreloop en e stroate in 't êrte van Brugge. De reie lopt van 't Jan van Eykpling toe aan de Langereie. De glyknoamige stroate ligt ip de nôordelikkn oevre van de reie en lopt van 't Jan van Eyckpling toe an de Karmersbrugge. Ip de zuudelikkn oevre ligt de stroate Spinolareie. Oendr 't Jan van Eyckpling lopt het woatr deure lik de teegnwôordig oovrwêfde Kroane-reie. De Speeglreie makt dêel uut van de loop van d' ôorsproenklikke riviere de Reie.

Liggienge van de Speeglreie (doenkrblow).

De Keuniengsbrugge oovr de Speeglreie, mê rechs de glyknoamige stroate en ip den achtrgroend de Pôortersloozje.

Geschiednisse bewerkn

De noame "Speeglreie" zoe kommn van e speghele, tgêene in de platsnoamkunde e lankwerpig woatre is. 't Is meuglik genoamd no 't uus "De Grote Speghele". De noame verwyst ook no d' anweezigeid van verschillnde speeglmoakers.

Ôorsproenklik was de Spiegelrei verziene van drie bruggn: de zogenoamde Niewjoarsbrugge of Sint-Jansbrugge, de Keuningsbrugge en de Karmersbrugge. D' êeste, die in 't verlangde van de Wynzakstroate lag, verdwêen echtre in 1787 deur d' oovrewêvienge van de Kroane-reie en den anleg van 't Jan van Eyckpling (tonne d' Akademieplatse).

D' omgeevienge van de Speeglreie was e belangryke middlêewsche kommêrsjêele wyk mêt oavnverzieniengn. Vanof 1134 was Brugge bereikboar lanst 't Oed Zwin, de Langereie en de Speeglreie. In 't begun woarn de kommêrsjêele aktievieteitn allêene mo lanst de Langereie. Roend 't ende van de 12ste êewe verlei 't zwoartepunt êm no d' asse Speeglreie-Kroane-reie, d' uutgeleezn plekke vo styf vroeg aa kommêrsantn-uuzn te bown, dichte by den oavn en 't Tol-uus.

Vanof de 16ste en 17ste êewn verminderdn de schêepvoart en d' oavnaktievieteitn rond de Speeglreie en Kroane-reie. Da kwam oendr mêer deur de verplatsienge van de kommêrsje nor Antwerpn, en ook deur 't groavn van d' Andelskomme en de Koepeure in Brugge zelve. Pertanks, nog toe 't begun van de 20ste êewe leidn reeglmoatig binnescheepn an ip de Speeglreie. De Keuniengsbrugge was toe tonne zeifs e droajbrugge.

E bitje voddr kykn bewerkn

(fr) Duclos Adolphe 1910 : Bruges, histoire et souvenirs, Brugge.
(nl) Schouteet Albert 1977 : De straatnamen van Brugge. Oorsprong en betekenis, Brugge, ISBN 9789062675036.
(nl) Ryckaert Marc 1991 : Brugge. Historische stedenatlas van België, Brussel, ISBN 9050660967.
(nl) Beernaert Brigitte e. a. 1991 : Spiegelrei 13, college Engelse Jezuïeten, in : 18de-eeuwse architectuur in de binnenstad, Open Monumentendag 1991, Brugge.
(nl) Beernaert Brigitte e. a. 1996 : Spiegelrei 15, College Engelse Jezuïeten, in : Zorg & zin voor kleur, Open Monumentendag Brugge 1996, Brugge.
(nl) Beernaert Brigitte e. a. 1999 : Spiegelrei 3, Huis Amsterdam & Huis Den Grooten Boodt, in : Via Europa, reisverhalen in steen, Open monumentendagen Brugge 1999, Brugge.
(nl) De Meester Toon & Schotte Bernard 2002 : De Koetelwijkpoort en de Houtbrekersdam aan de Spiegelrei, in : Brugs Ommeland, blz. 195-218.
(nl) Beernaert Brigitte e. a. 2002 : Spiegelrei 3, Amsterdam en Den Grooten Boodt, in : Wandelgids met 33 verhalen uit de oude stad, Brugge.
(nl) Beernaert Brigitte e. a. 2002 : Spiegelrei 15, het Hof van Dranouter, in : Wandelgids met 33 verhalen uit de oude stad, Brugge.
(nl) De Brabandere Frans 2012 : Brugse plaatsnamen, in : Brugge die Scone, blz 32.

Speeglreie

Ofbeeldiengn die ier by passn ku je vien in de categorie Spiegelrei (Brugge) van Wikimedia Commons.