Stijn De Smet
| Stijn De Smet | |
|---|---|
 Corner Stijn De Smet (2008) Cercle Brugge - KSC Lokeren | |
| Persôonlyke informoatie | |
| Noame | Stijn De Smet |
| Bynoame | {{{bynoame}}} |
| Geboortedoatum | 27 moarte 1985 |
| Geboorteplekke | Brugge |
| Sterfdoatum | {{{sterfdoatum}}} |
| Sterfplekke | {{{sterfplekke}}} |
| Clubinformoatie | |
| Club van nu | KV Kortryk |
| Numero | 7 |
| Positie | Anvall'nde midd'nvelder |
| Jeugd | |
| 1992-1997 1997-2003 |
SV Jabbeke Cercle Brugge |
| Seniors | |
| 2003-2009 2009-2013 2011-2012 2013 2013- |
Cercle Brugge AA Gent → KVC Westerlo → Woasland-Bevern KV Kortryk |
| Nationale ploeg | |
| 2005-2008 2008 |
.svg){kind=small} -21: 10 m (8 gls) België: 1 (0)
|
| Portoal:Sport | |
Stijn De Smet (Brugge, 27 moarte 1985) is e foetbollist die voun 't moment byn KV Kortryk speelt. E speelt mêestol up de plekke van anvollnde middnvelder, mor e kut oek an de zydskant of vavôorn speeln.
Carrière bewerkn
De Smet is begunn foetbolln by SV Jabbeke (en het ossan in Snellegem ewund, êen van de dêelgemêentn van Jabbeke) en at 'n twove wos, is 'n verhuusd no Cercle, achter dat 'n in e sezoen 40 goals emakt hadde.
Zyn êestn match in 'n êestn ploeg van Cercle wos teegn Westerlô in 't sezoen 2003-2004. 't Joar derup mucht 'n 19 kirs meidoen en ne makte 4 goals en in 2005-2006 kust 'n ol 7 kirs scôorn. Deurdat 'n e zwoare neuke krêeg an de gewrichtsbandn van ze knoezel, wos 't noaste sezoen nie 't succesjoar dat iederêen verwacht hadde. De stage dat 'n muchte doen byn de Blackburn Rovers uut Iengeland, wos doamei naasn ze neuze.
De grôte deurbroake kwam in 't begun van 't sezoen 07-08, woarin dat De Smet tope met De Sutter, Iachtchouk en Gombani indeliks vele goals makte en ezô Cercle no 'n top van de klasserienge brochte.
In 2009 is 'n wegekocht deur AA Gent, doa het 'n nie ossan e boasisplekke ghad. In 2011 verheurt AA Gent nem an Westerlô. Je speelde vanof 't sezoen 2012-2013 were by AA Gent moa je wierd binst de wienterstop uutgelêend an Woasland-Bevern.
In 't sezoen 2013-2014 het 'n e twêejoarig contract getêkend by KV Kortryk met een optie ip e derde sezoen.
En het en ende meigespeeld met de nationoale beloftn, in 2008 hoald 'n zyn êestn cap voun de Rôo Duvels.
Varia bewerkn
- Ze voader zei ôois eki teegn Hugo Broos, die gon kykn wos no ze zeune Dennis, dat 'n nog wel interessante zoakens wiste te vertelln over foetbol en ne vroeg of dat 'n messchien etwot me foetbol te moakn hadde.
- Nicolas Lombaerts vertelde in en interview da De Smet liever nor e TD van de KLJ goat dan nor e VIP-fêeste en dat 'n liever bier drienkt of champagne. De Smet zei doarup dat dadde ol ossan ezô ewist is: byn de nationoale jeugd droenkn de mêeste gastn olle sôortn kortndrank, buutn de West-Vloamiengn, dedie droenkn ossan nunder pientjes.