E toendra is e gebied zoender hoge plantngroei die grenst an e poolgebied. De begroeiienge bestoat uut grassn, mossn en dwergstruukn.

Toendra in Siberië

't Woord toendra komt van 't Kildin-Samisch, e toale die gesprookn wordt ip 't Russisch schiereiland Kola. Tūndra is de genitief van tundar, "boomloze steppe".

't Algemêen klimoat ip e toendra is styf noadêlig vo de groei van plantn. De groend is teminste zes moandn bevroozn of bedekt mè snêeuw. 't Groeisiezoen is styf kort en de gemiddelde temperateure van de warmste moand ligt oender de 10°C. Binst de zomer oentdôoit allêne moa de boovnste loage van de groend. Alhoewel dat er nie vele neerslag is, zyn de mêeste bodems ip e toendra moerassig. Da komt omda 't woater nie kan wegzienkn in de bevroozn oenderloage en deurdat de verdampienge ook styf lêge is. Doarom ist er ip vele plekkn ook veengroend.

Toendra's kommn oender andere vôorn in Rusland, Ysland, Canada en Alaska. In 't zuudn wordt de toendra begrensd deur de taiga.

Wikimedia Commons