Willem Ogier

Dat artikel es geschreevn in 't Kustwestvlams.

Willem Ogier, ook Guilliam Ogier, (Antwerpn, gedopt 17 juli 1618 - Antwerpn, 22 februoari 1689) was e Brabantsche schoolmêester, rederyker en dichter. Zyn tonêelwerk is geschreevn in e kleurryke moa toamelik platte volkstoale.

Verzoameldruk *De seven hooft-sonde* (1682)

Ogier is geboorn in e simpele familie. Zyn ouders Frans Ogier en Anna de Potter woarn protestantn. Kort achter zyn geboorte mosten ze de stad Antwerpn verloatn, verzekers vanwege under overtuugienge. Ze verhuusdn noar Amsterdam moa zyn voader stierf in 1628 en je kêerde mè zyn moeder were noar Antwerpn. Je kwam loater schoolmêester en in 1644 wierd 'n ingeschreevn in d' oenderwyzersgilde.

An zyn zeevntien joar (sommigte bronn klappn zelfs van viftien joar) schrêef Ogier zyn êeste blyspel, êest met den titel Droncken-Heyn moa loater wierd 't De Gulsigheydt genoamd. 't Deurde nog toet 1639 vo da 't stik ipgevoerd wierd deur den Antwerpsche Rederykerskoamer De Olyftak.

Werk bewerkn

De zeevn hoofdzoendn

Droncken Heyn / De Gulsigheydt (1639), ipgevoerd deur De Olyftak
De hooveerdigheydt (1644), ipgevoerd deur de Violieren, de rederykerskoamer van d' Antwerpsche Sint-Lucasgilde
De gramschap (1645), deur de Violieren
De onkuysheydt (1646), deur de Violieren
Den haet en nydt (1647), deur de Violieren
De traegheydt (1677), deur De Olyftak (gefusioneerd met de Violieren)
De gierigheydt (1678), deur De Olyftak (gefusioneerd met de Violieren)

In 1682 zyn ze verscheenn ols verzoamelienge oender den titel De seven hooft-sonde.

Ander werk

De Turcksche Historie van Mahomet ende Erene, vo den êeste kê ipgevoerd in 1661
Belachelyck Misverstant ofte Boere Geck in 1680