De Woatnberg (Frans: Mont Watten) is een heuvel in de Franse Westhoek van Frans-Vloandern in 't nôordn van Vrankryk teegn Woatn. De Woatnberg is êen van de getuugnheuvels in de streke, gelik ounder andere de Kemmelberg, de Katsberg, de Rôonberg, de Kasselberg en de Kluusberg.

Up den berg stoat er een torre, een overbluufsel van een abdy uut de 15e êeuwe. De poaters van d' abdy hielpn by 't drogeleggn van de moerassn van Audomarois. De berg was vrê strategisch geleegn. De Romeinschen weg tusschen Boulogne-sur-Mer en Kassel liept ol langs dien berg. Derachter naamn de Spanjoardn, d' Iengelse en uutendelik de Fransn bezit van den berg. Den abdy wierd ounder Lodewyk XIV in de 17e êeuwe versterkt, moa binst de Franse Revolutie vernield, en ollêne de torre bleef over, omdat 't een herkenniengspunt was voa de zeevoarders.

In d' 18e êeuwe wierd er up den berg een meuln gebouwd.

Gedeurende de Twiddn Weireldôorloge deed de torre dienst as een observoatiepost.

Wielrennen bewerkn

Woatnberg
Top 72 m
Locoatie Frans-Vloandern
Startplekke Woatn
Ôogteverschil 46 m
Lengte 1.000 m
Stygiengs-% (gem) 4,6 %
Steilste stik 13 %

D' hellienge is upgenoomn in de recreatieve fietsroute LF 01 (Nôordzeeroute) tussn Den Helder en Boulogne-sur-Mer.