Tintoretto

Tintoretto (echte noame: Jacopo Comin), (29 september 1518 - 31 meie 1594), was êen van de grotste Venetioansche kunstschilders achter Titiaan. Je schilderde maniëristisch en je was êen van de latste grôte schilders van d’Italioansche renaissance.

Zelfportret

Zyn leevn

Tintoretto is geboorn in Venetië in 1518. Je was den oudstn van 21. Z’n voader, Giovanni, was verver van stoffn (tintore), vandoar z’n bynoame (ververtje). In z’n jeugdjoarn wierd ’n ôok Jacopo Robusti genoemd, omda z’n voader de pôortn van Padua ip e robuuste maniere zou verdedigd en teegn de keizerlikke troepn.

Je gink in de lêer by Titiaan, mo nie lange, want ze kwoamn nie goed overêen. Je begost ip z’n eign te studeern en liet em beïnvloedn deur Michelangelo.

Tintoretto was styf productief en e geweldig tekenoare. Deur z’n enormn energie wierd ‘n Il Furioso genoemd en zyn maniere van werkn me speciale lichteffectn moakn em e voorloper van de Barok. Je was ôok ’n veelgevroagd portretschilder in Venetië.

Susanna en d’oude vintn (Kunsthistorisches Museum, Wenen)

Ofbeeldiengn die ier by passn ku je vien in de categorie Jacopo Tintoretto van Wikimedia Commons.