Giuliano di Piero de' Medici

Giuliano de' Medici (1453 - 26 april 1478) was de twidde zeune van Piero di Cosimo de' Medici en Lucrezia Tornabuoni.

Giuliano de’ Medici deur Agnolo Bronzino

Je was co-besteurder van Firenze me z'n oudere broere Lorenzo il Magnifico, tout dat ‘n ip 26 april 1478 vermôord wierd. De môord was e gevolg van ‘t Pazzi-komplot.

De broers wierdn overvolln deur eurmoordenoars binst de messe in de kathedroale van Firenze. Lorenzo kost ountsnappn, mo Giuliano krêeg 19 steekn en bloedde dôod.

Je ligt tegoare me z’n broere begroavn in de Medicikapelle in de Basilica San Lorenzo di Firenze. Under graftombe is versierd met de Madonna me kind van Michelangelo.

Giuliano aad ’n ounwettige zeune me z’n maîtresse Fioretta Gorini: Giulio.

Giulio de’ Medici wierd achter den dôod van z’n voader g’adopteerd deur z’n nounkel Lorenzo en wierd in 1523 paus ounder de noame paus Clemens VII.

Giuliano de' Medici deur Sandro Botticelli, verzekers gemakt achter z’n dôod

Paus Clemens VII (Giuliano ’s zeune Giulio)