Frankisch Ryk: verschil tussen versies

1.182 bytes verwijderd ,  12 jaar geleden
geen bewerkingssamenvatting
[[Ofbeeldienge:Franks expansion.gif|right|400px|thumb|Expansie van 't Frankisch Ryk]]
[[Ofbeeldienge:Verdrag van Verdun.jpg|thumb|400px|right|Verdelienge van 't Frankisch Ryk achter 't Verdrag van Verdun]]
 
==’t Frankisch Ryk (486-843)==
In 486, tien joar achter ’t ofzettn van keizer Romulus Augustulus, versloeg [[Clovis I]] Syagrius, de latstn Romeinschn gouverneur in ’t Noordn van Gallië, en van ton begost officieel de periode van ’t Frankisch Ryk. ’t Nieuw dêel van zyn Ryk wierd Neustrië (‘t nieuw land) genoemd en 't oud ôorsprounkelik gebied Austrasië (‘t ôostelik land). Hêel ’t gebied van Gallië kreeg nu de noame "Francië".
Zyn besteur was g’inspireerd ip de klassiekn oudeid en ip [[Kestdag]] 800 liet ‘n em deur paus Leo III in [[Rome]] tout keizer kroonn. Z’n enigstn overgebleevn zeune, Lodewyk I den Vroomn volgdeg em ip en wierd in 816 in [[Reims]] tout keizer gekrôond.
In 843, by ‘t [[Verdrag van Verdun]] wierd ’t Ryk were verdeeld ounder drie zeuns: Karel II of [[Karel den Kletsn]] kreeg [[West-Francië]], Lodewyk II den Duuts [[Oost-Francië]], en ’t Middnryk, ’t belangrykste, gink noa d’n oudstn, Lotharius I.
 
==Boudewyn I met den Yzern oarm==
Uut de Frankischn tyd dateert d’indelienge in ''pagi'' of ''gouwn''. Ze woarn veel klinder of uze provincies van nu. Sommigte noamn bestoan nu nog, lik Haspngouw (Pagus Hasbaniensis) en Henegouw (Pagus Hainoensis).
 
In de 9e eeuwe, ounder Karel den Kletsn, besteurde [[Boudewyn I van Vloandern]] de [[Vloanderngouwe]] (Latyn: Pagus Flandrensis), de streke round [[Toeroet|Tourout]], [[Gistel]], [[Oudenburg]] en [[Brugge]]. Je was den eestn gouwgroaf en uut de Vloanderngouwe groeide ‘t [[Groafschap Vloandern]].
 
De Deensche [[Vikings]] plunderdn ol e hêeln tyd uze gebiedn. Ze droungn met under snekkn mè drakarkoppn zô verre meugelik ’t land binn.
In dien tyd kostn ze met under bootn langs de zeeoarm ’t [[Zwin]] en de riviere de Reie tout in Brugge voarn. Ze noemdn die platse ''Bryghia'' wat dat Oudnoors is vo ‘anlegplatse’. Vo de Vikings teegn t'oudn liet Boudewyn een versterktn burcht bouwn ip de plekke woa da nu de [[Burg (Brugge)|Burg]] is.
Brugge was ollene moa bereikboar met oog woater, moa de [[Duunkerke III#Stormvloed van 1134|stormvloed van 1134]] makte ’t Zwin loater ôok bevoarboar vo grottere scheepn.
 
[[Categorie: Frankisch Ryk]]
4.469

bewerkingen