Wikipedia:Twidde Gebrukersbyêenkomste: verschil tussen versies
Verwijderde inhoud Toegevoegde inhoud
k rvv |
|||
Regel 2:
De '''Twidde Gebrukersbyêenkomste''' es deure gegoan up vrydag den [[9 moarte|neegs'n moarte]] [[2007]].
==Bedoelienge==
Gelyk ip iedere byêenkomste, wos de bedoelienge van deze byêenkomste vôorol om de 'nieuwe' minsn te lêern kenn. De pogieng'n om het Nôord'n mêer te betrekk'n by de wiki ein duudelyk udder vrucht'n ofgeworp'n, want het Nôord'n wos goe verteegnwoordigd deur [[Gebruker:Filibertus|Filibertus]], [[Gebruker:Jonas|Jonas]] en [[Gebruker:Zeisterre|Zeisterre]]. 't Gift de dêelnemers de gelegeneid om elkoar beter te lêern kenn, en elkoars interesses en gevoeligheedn te lêern appreciêern.
Doarnoast wos't de bedoelienge om een poar discussiepunt'n van het SV te bespreek'n.
==Plekke en tyd van de byeenkomste==
W'èn dizze kee ofgesprook'n in e babbelcafé me ne symbolische noame '''De Groote Stooringe''' (zie [http://maps.google.com/maps?q=50.94413151700495,3.1236255168914795('t%20Es%20ier%20da%20me%20ofspreek'n%20vo%20de%20Twidde%20Gebrukersby%EAenkomste)&ll=50.94413151700495,3.1236255168914795&spn=0.02,0.02&t=t kartje]) up et Sint-Michielspling van [[Roeseloare]]. D'uutnodigienge stoat [[Wikipedia:Café#Iproep voo een twêede VLS gebrukersbieêenkomste|ier]].
==Wien ester ofgekommn==
D'upkomste wos fenomenoal: twêe kêes zo vele lyk de vôrige kêe (stoan de kapkes goed D-rex?). ''De Groote Stooringe'' (me moet'n die gast'n olliek ne kee serieus SV leern schryvn) wist nie woa dan ze't add'n: moa liefst zes enthousiaste fanoat'n van d'n West-Vlamschn Wikipedia die ne heeln oavond over under dialect en d'inrichtiege van under web site zoat'n te kwebbeln. En d'r ad d'r ene woarempel eurn vint nog mègepakt ook, en dien kwam nog goed van passe want m'èn nog gin Roeseloarsche gebrukers.
Woarn present: [[Gebruker:D-rex|D-rex]], [[Gebruker:Filibertus|Filibertus]], [[Gebruker:Jonas|Jonas]], [[Gebruker:Patrick|Patrick]], [[Gebruker:Tbc|Tbc]], [[Gebruker:Zeisterre|Zeisterre]] + eur ne vint.
Lyk da je ziet, 50 % kwam uut 't noord'n van de provinsje, wien a da gepeisd zeg. De zudelyke addn 't nie oessan gemakkelyk voo die gast'n goed te verstoan. Moa gauw, me zyn d'r uuteindelyk toch uutgerocht.
==Agenda==
===Regionoal Patrôon===
Up verschillende discuusjebladzyd'n bleek dat er nogol wa vroagn woarn over da regionoal patrôon.
====Versus SV====
Gif et regionoal patrôon lyk <nowiki>{{plat|Brugs}}</nowiki> an schryvers carte blanche vo de SV-spellienge lienks te loat'n liggen? Die discuusje wos idder gestart up [[Discuusje_gebruker:D-rex#SV_versus_regionale_template]].
Bykan olleman vond da j'up e blad mè et streektoalpatrôon je gin SV moe volgn. Dat es juste d'enigste occoazje woa da je joen eigen dialect elegansn tot zyn recht kut loat'n komm'n. 't Es wel ''wienschelyk'' da 't SV gebruukt es up de streektoalbloadn, moa ge zyt vry vo da wel of nie te doen.
====Gebruuk====
Voorstel:
*osan by steed'n en gemeent'n
*vo olle andere artikels zy je vry in 't gebruuk
*oeter twyfel es over wel of gin toepassienge van 't patrôon, osan eest up et discuusjeblad d'rover babbeln mè 'n auteur van 't artikel. Kwestje van nie te kort te zyn in 'n ommegank mè d'andere gebrukers.
===[[Wikipedia:SV_V1.1a#SV-y|SV-y]]===
Sommigste vondn dat SV-y nie van toepassienge zoe moet'n zyn up de '''finale ie''', dus: <i>brouwerie, partie, gie, mie</i>.
Want die ie es osan lyk 'ie' uutgespook'n, over de uutsproake es d'r dus gin twyfel meugelyk.
===[[Wikipedia:SV_V1.1a#Glottisslag|SV: finale -en + glottisslag]]===
D'r èt nogol gediscussieerd gewist over de spellienge van finoale -en en 't gebruuk van de glottisslag. Uutendelyk kost'n m'uus ollemoale erkenn in e voorstel van Tbc:
*<u>Olgemene regel</u>: doffe e wegloat'n
**<i>leezn, spriengn, volln</i> (AN lezen, springen, vallen)
**ook: <i>bindn, ondn, verzendn, oudn</i> (AN binden, honden, verzenden, houden)
*<u>Uutzonderiengn</u>:
**werkwoordn woavan de stam endigt op p,t,k: doffe e vervangn deur glottisslag: <i>klapp'n, buut'n, drukk'n</i> (AN klappen, buiten, drukken)
**wordn die in 't AN endigen up <i>-(n)nen</i>: ollene -nn overoudn, lyk in: <i>binn, weunn, keunn, kenn</i> (AN binnen, wonen, kunnen, kennen)
De motivoasje vo <i>bindn, ondn...<i> te schryvn es da we gin glottisslag oorn, dus schryvn m'em ook nie (de latste lettergrepe spreek'n de meeste om zeggens elegansn nie mè uut), moa toch 'dn' overoud'n vo 't leesboar 't oudn.
===[[Wikipedia:SV_V1.1a#SV-ei|SV-ei]]===
====Kort====
Nogol wa gebrukers vondn de spellienge <i>ik ei, mei, ein</i> (AN ik heb, met, hebben) nie dudelyk. Surtout by de gast'n dien dat anders uutspreek'n want zyders peinzn da't e tweeklank es.
't Voorstel wos vo ier de Fransche letter '''è''' te schryvn (lyk Fr. él<u>è</u>ve), wuk da overeenkomt mè die uutsproake: <i>ik è, mè, èn</i>.
====Lank====
Woord'n lyk AN <i>paard, staart, hebben, graag</i>: oe ommegoan mè de streekafankelyke uutsproake?
*zudelyk; pèèrd, stèèrt, èèn
*noordelyk: pêêrd, stêêrt, èèn → de <i>êê</i> stoat ier vo de <i>e</i> in <i>pet</i> moa lank uutgesprook'n
Moe oe goan me da schryvn? D'r zyn twee voorstelln gewist.
#we schryvn ollemoale <i>peerd, steert, geerne</i> (klankneutroale spellienge)
#we schryvn lyk of da m'et uutspreek'n:
::noordelyk: <i>pêêrd</i>, die <i>êê</i> stoat vo de <i>e</i> in <i>pet</i> moa lank uutgesprook'n
::zudelyk: <i>peird</i> of <i>pèèrd</i> ??
Ook woord'n lyk <i>zee, een (getal 1)</i> volln binn die categorie.</br>
Wuk doen me mè <i>greit'n, bleit'n</i>? Best de <i>ei</i> oudn?
Die discuusje es nie mè en dudelyk voorstel geëindigd.
===[[Wikipedia:SV_V1.1a#Finale_AN-ing|Finale -ing]]===
De SV-spellienge es nie echt en probleem: <i>keunienk, veranderienge</i>.
===[[Wikipedia:SV_V1.1a#Finale_AN-tie|Finale -tie]]===
D'uutsproak'n verschilln nogol:
*<i>conversoatie</i> of <i>conversoasje</i>?</br>
*<i>traditie</i> of <i>tradisje</i>?
Me vondn da de SV-regel (osan -tie schryvn) nog 't best van ol es.</br>
In artikels mè e regionoal patrôon meug je vaneigens wel schryvn lyk of da j'et uutsprikt.
===[[Wikipedia:SV_V1.1a#Diftongering_ee|Diftongering ee]] en [[Wikipedia:SV_V1.1a#Diftongering_oo|Diftongering oo]]===
Ook ier verschilln in uutsproake:
*<i>ook, oge, klene, zee</i> (AN ook, oog, klein, zee)
*<i>wok, woge, kljene, zjee/zjèè/zèè </br>
D-rex vond da je osan da kapke moe zett'n. Wien da gin tweeklank oort, moe ton moa gin uutspreek'n.
't Probleem es ollene da je nie up olle ee's en oo's zuk kapke meugt zett'n (<i>veel</i> moe blykboar gin kapke èn). Voor gastn die gin tweeklank oorn, es da dus niet te doene zonder te missn.
Ook ier vond'n me de SV-regel (zet e kapke oe j't oort en anders nie) nog 't best van ol.
===[[Wikipedia:SV_V1.1a#Eigennamen|Eigennoamn]]===
SV zegt nu: persoonsnoamn nie verwestvlamsn.
De meeste vond'n da me doa nie te strieng meugn in zyn: <i>Koarel d'n Stout'n, Boudewyn van Vloandern</i> moe kunn.
Me moet'n wel nie overdryvn, concreet: bynoamn meug je niet deur andere woord'n goan vervangn.</br>
Dus gin <i>Koarel de Kletse, Koarel n' Kletsekop, Koarel de Pleite</i> of zukke toestand'n, moa meug wel: <i>Koarel d'n Koaln</i>.
Da verwestvlamsn es gin verplichtienge, moa zoe wel moet'n kunn.
===-lyk of lik?===
Oe schryvn me 't achtervoegsel <i>-lijk</i>: lyk <i>lyk</i> of lyk <i>lik</i>?</br>
Zie [[Discuusje_gebruker:Foroa#-lyk_in_SV_1.1a]]
D'r wos bykan niemand te vindn vo <i>-lik</i> te schryvn, kwestje van consequent te bluuvn en 't nie onnodig te compliceern.
===Gebrukersportoal===
Tbc stelt voorn vo e gebrukersportoal te begunn lyk da olle serieuze wiki's ol èn.
Da gebrukersportoal kut goan over:
*overzicht en gebruuk van (meest courante) patrôonn
*lyste van de moderatoorn, sysops...
*lyste mè peiliengn dien an 't loop'n zyn
*[[Discuusje_gebruker:Patrick#Liste_mei_Wiki-auteurs_en_under_streke_van_afkomste|lyste mè gebrukers en under erkomste]]
*overzicht van de bereikte <i>mylpoaln</i> (wuk es 't schoo Vlams word eigentlyk?)
*vaste rubriek'n lyk: '''trekzakartikel van de weke''' woaby da olleman uutgenodigd es om zyn leenn te zett'n achtern en onnozel artikeltje vo d'r etwod schoons van te moak'n. En lat uus eerlyk zyn: d'r zyn nog genoeg trekzakartikels up uuzn wiki.
De vroage wos ollene: wien kut/wil an da portoal begunn?
Me woarn ollemoale van 't gedacht da Tbc da styf goed zoe kunn :-)
===Deureverwyzingn die nie in 't SV zyn===
Oed'n of wegsmyt'n?
Wuk moet er gebeurn oe ne toevallige surfer up internet, die uuzn wiki andoet, intikt: <i>Izegem, Kortrik, Iper...</i>
Dat es ginne SV-spellienge, die artikels noemn nu <i>Yzegem, Kortryk, Yper</i>. Moa wien wit er da?
Tbc vindt da we nie te strieng meugn zyn en ook deurverwyziengn moet'n toeloat'n (en voorziene) die meer kanse moak'n vo ingetikt te zyn dan de SV-variant.
Moa we verstoan ook d'upmerkienge van Foroa (up discuusjebloadn) da we gin verkeerde spellienge meugn ankweek'n. Die extra deurverwyziengn moet'n dus binn de perk'n bluuvn.
===Recloame===
De latste moand'n èn me styf vele andacht gekreegn. M'èn ol mêer of vieroenderd gebrukers, moa oe keun je da nog veroogn?
Volgens D-rex moet'n me d'r rekenienge mè oudn dat et de komende tyd wel ne kee stiller zoedt kunn zyn up uuzn wiki. In e joar tyd meer of 1300 artikels, dat es gin kleen bier. We moet'n uus realiseern dat we verzekers niet zo goan keun bluuvn groein.
Dat es nie meer dan normoal, olle wiki's èn ofwisselend goeie maand'n en kalmere periodes.
===Varia===
====Peiliengn====
Tbc vroeg om d'r up te lett'n da me by peiliengn in 't vervolg d'r osan by zeggn:
*wanneer da de peilienge juste stopt
*oeveel gebrukers d'r minstens e menienge moet'n gegeevn èn vo geldig te zyn
*oeveel % van die gebrukers vo en alternatief moe gekoozn èn vooraleer da voorstel anveird gerakt
====Typische West-Vlamsche spreekgewent'n====
Da zoe meer moet'n gedocumenteerd zyn. En poar voorbeeld'n:
*dubbel gebruuk van 't persoonlyk voornamwoord: <i>è <u>je gy</u> my geziene? <u>me</u> weet'n <u>wyder</u> da nie, <u>ge</u> zyt <u>gy</u> zeker zot?</i>
*dubbele negoasje:<i>'k è da nog <u>nooi nie</u> g'oord</u>
*dubbel negoasje (bis): ''Ik <u>en<u> en dat nog <u>nôois<u> ezeid''
*dubbel negoasje (tris): ''Ge moet <u>nie<u> sloan <u>nie<u>'' Sterk anwezig in [[Oarelbeke#Toale]] en er bitje gedocumenteerd.
Meschiens etwodde vo in de [[Portoal:Toale|grammatica's]]?
====Nieuweliengn en SV====
Nieuweliengn zyn nogol schuw van de uutgebreide SV-regels woa da't voorblad noa verwyst. 't Voorstel wos ier:
*om under dudelyk te moak'n dan ze fout'n meugn schryvn
*om up 't voroblad en up 't Ulp-blad nie mè direct na de lange beschryvienge van 't SV te verwyzn, moa wel na de soamnvattienge
==Ofsluutienge==
De doagn en week'n die kommn goan me die voorstelln an d'andere gebrukers presenteern. Zo keunn ze zyder ook under gedacht zeggn. Wuk dan ze vaneigens nu ol kun up et [[Discuusje_Wikipedia:Twidde_Gebrukersby%C3%AAenkomste|discuusjeblad]].
W'addn nen vulln agenda, moa m'èn em nog keun ofrond'n ook. Da wos nie osan styf gemakkelyk want die pint'n bleevn moa kommn, 't wos soms moeilyk vo te volgn. Rond 'n enen èn me nog e slapmutske gepakt, en vondn toen dat tyd wos vo de boek'n te sluut'n.
En me goengn ollomoale akkoord mei d'upmerkienge van D-rex: <big>'''up na de 2500 !!!'''</big>
==Verdimme ogliek==
'k En etwot emist enni! 't I mo t'oopn dakke der de noaste kê wel kun by zyn, mo ke zyn betoald voe me werk te doen en nie voen over 'n West-Vlamschn wikipedia te koutn. Spytig vaneigens (ol doe'ke me werk wel stief geirn wi ;)). Proficiat met junder werk, 'k gon't toene ollemoale ekir up me gemak bekykn en men upmerkiengn deure geevn. [[Gebruker:Meuzel|Meuzel]]
[[Category:Wikipedia]]
| |||