Bourgondische ertoogn: verschil tussen versies

2.905 bytes toegevoegd ,  11 jaar geleden
k
rvv
k (rvv)
In de geschienisse van de [[Nederlandn]] en de '''Bourgondische ertoogn''' e belangrikke rolle gespeeld in 't centraliseern van de macht over de verschillige groafschappn, ertogdommn en prinsbisdommn.
 
==[[Margaretha van Male]] en [[Filips den Stoutn]]==
ndern.
De Bourgondische periode wier voe Vlaandern ingezet met de trouw van d'erfdochter van de Vlamse graaf [[Lodewyk van Male]]. Margaretha van Male trouwde met [[Filips den Stoutn]]. Em was de broere van de Fransche keunink. Margaretha en Filips wiern graaf en gravinne in 1384.
 
Al in 1386 richtten ze de [[Rekenkamer van Vlaandern]] ip. Diene rekenkamer zat in [[Rysel]], en controleerde de rekeningen van al de Vlamse rekenplichtige ambtenaren. 't Archief van die instellinge is bewaard, en bevat ne schat an informatie voe de geschienisse van zowel 't [[groafschap Vloandern|graafschap Vlaandern]], alsook voe de geschienisse van de Nederlandn in 't algemeen omdat die instellinge later bevoegd wier voor de centrale Bourgondische instellingen, dus ook buten 't graafschap Vlaandern.
 
==[[Jan zounder Vrees]]==
Ze wiern in 1404 ipgevolgd deur underne zeune [[Jan zounder Vrees]].
 
==[[Filips den Goein]]==
In 1419 volgde [[Filips den Goein]] zen vader ip. 't Is surtout ounder zyn bewind dat de Nederlandn in grote mate verenigd wiern. Je regeerde stief lange, tou dat 'n in 1467 wier ipgevolgd deur zen zeune [[Karel den Stoutn]].
 
==[[Karel den Stoutn]]==
Em was vreed ambitieus, en sleutelde verder an de centrale instellingn voe de Nederlandn, met ounder meer in 1743 d'iprichtinge van de [[Grote Raad van Mechelen]]. Dat was vreed tegen 't gedacht van d'ounderdaann omdat heel die instellienge bemand wier met gastn die gin Vlams kostn.
 
==[[Maria van Bourgondië]]==
Achter da Karel in 1477 gesneuveld was in [[Nancy]] in [[Vrankryk]], volgde zen dochter [[Maria van Bourgondië]] em ip. Da meistje was mo negentiene. In 't begin ad ze ferm vele probleemn. Eur machtige ounderdaann dwoungn eur zoverre da ze dienen Grote Raad van Mechelen were afschafte.
 
==[[Uus van Habsburg|De Habsburgse dynastie]]==
Maria trouwde met [[Maximiliaan van Oostnryk]]. Ze was de latste van de Bourgondiërs die regeerde over Vlaanderen. Ze stierf in 1482 achter da ze in [[Wyndoale]] lelik van eur peird was gestuukt. 't Meisje was mo 25. Eurne zeune [[Filips den Schoonn]] was nog ne peuter. In zyn plekke regeerde de weware Maximiliaan als regent. Achter dat 'n keizer van 't [[Illig Roomsche Ryk]] was geworn, wier Filips den Schoonn in 1494 meerderjarig verklaard zodanig dat 'n koste regeren over de Nederlandn. Filips en z'n zuster [[Margaretha van Oostnryk|Margaretha]] trouwdn met de respectivelikke dochter en zeune van keuniginne [[Isabella I van Kastilië]], en keunink [[Ferdinand II van Aragon]]. Deurdat Margaretha's vint vroeg gestorvn is, en Filips den Schoonns vrouwe de enigste erfgename wier van die twee troons in Spanje, wier Filips keunink van grote gedeeltn van Spanje, Bourgondië en de Nederlandn. Met em zyn de Nederlandn ounder de dynastie van de [[Habsburgers]] gekomn.
 
[[Categorie:Ertog van Bourgondië]]
 
[[nl:Bourgondische hertogen]]
6.865

bewerkingen