Giambologna: verschil tussen versies

Vlams-Italioans maniëristischn beeldhouwer
Verwijderde inhoud Toegevoegde inhoud
Pastel (discuusjeblad | bydroagn)
nieuw blad: thumb|Portret van Giovanni da Bologna deur Hendrick Goltzius (1558-1617) '''Giambologna''', echte noame Jean de Boulogne, ook gekend ols Giovanni da...
(geen verschil)

Versie van 15 feb 2009 14:53

Giambologna, echte noame Jean de Boulogne, ook gekend ols Giovanni da Bologna, (Dowoai, 1529Firenze, 13 ogustus 1608), was e Vlams-Italioans maniëristischn beeldhouwer. Je was achter Michelangelo de belangrykstn beeldhouwer van de 16e eeuwe en j’had e grôotn invloed ip d’ountwikkelienge van de Barok.

Portret van Giovanni da Bologna deur Hendrick Goltzius (1558-1617)

Giovanni da Bologna is geboorn in Dowoai in Frans-Vloandern. Je krêeg z’n ipleidienge van de Vlamschn beeldhouwer Jacques Dubroeucq.

Round 1554 vertrokt ‘n noar Italië en studeerde twi joar in Rome.

In Firenze, ip z’n weg were no Vloandern, wierd 'n ountdekt deur de kunstkenner Bernardo Vecchietti, die hem ounderhield vo zyn studies doa vôort te kunn loatn zettn.

Achter twi joar krêegt ‘n zyn êestn ipdracht van de Medicigrôothertoogn. Je blêef in Firenze in dienst van de Medici tout an z’n dôod.

Zyn werk

Giambologna makte veel beeldn vo fonteinn lik de Neptunus in Bologna (1567) en vo de Medicivilla’s en hoovn. Zyn Merkurius (Firenze, Museo nazionale del Bargello), woavan dan d’r verschillige uutvoeriengn bestoan, was ook bedoeld ols versierienge van e fontein.