Karel II van Spanje: verschil tussen versies

'''Karel II''' ([[Madrid]], [[6 november]] [[1661]] – Madrid, [[1 november]] [[1700]]), bygenoamd ''el Hechizado'' (den Behekstn) was keunink van Spanje, Napels en Sicilië en soeverein van de [[Zudelikke Nederlandn]]. Je was de latstn van de [[Spoansche Habsburgers]].

 

In Spanje woarn ze styf blye o Filips IV in 1661 e mannelikkn ipvolger krêeg. Mo Karel II was gêestelik en lichoamelik g’andicapt. Ol de specifieke kenmerkn van de Habsburgers: o.a. e grôte neuze en e voruutstoande kinne woarn by em overdreevn. Z'n kop was te grôot en z’n ounderkoake stak zo verre voruut dat ’n z'n tandn nie ip makkoar kost krygn. Z'n tounge was te grôot en doadeure kost ’n mè moeite klappn. Je kost ook mè moeite goan en ot ’n vuufendertig joar oud was wast ’n verlamd, epileptisch, kletse, j’aa bykan gin tandn mi en je kost nie goed zien. In 1698 ist ’n ôok nog doof gewordn. Je blêef lange kinds en loater kwamt ‘n seniel. Je kost mè moeite leezn of schryvn.

Doadeure regeerde z’n moeder ols regentesse.

In 1678 wierd z’n moeder Maria Anna van Oostnryk (1634-1696) uut Madrid verdreevn deur [[Juan II van Oostnryk|Juan II]], de bastoardzeune van [[Filips IV van Spanje|Filips IV]]. Je kost nie verdroagn da z’n olfbroere Karel verwoarloosd weggestookn zat in ‘t ''Escorial'', ’t enorm paleis met ’n abdye en mausoleum da [[Filips II van Spanje|Filips II]] aa loatn bouwn vo z’n voader [[Karel V van et Illig Rôoms Ryk|Karel I van Spanje]] en da van 1984 erkend is ols weirelderfgoed van d’n UNESCO. Mo Juan II stierf in 1679 en Maria Anna kêerde were no Madrid. Karel zou zelve an z’n olfbroere gevroagd en vo z’n moeder of te zettn, omdat ‘n zelve wildege regeern.

 

Z’n êeste vrouwe was Marie Louise van Orléans, e nichte van [[Lodewyk XIV]]. Ze zoagn makkoar styf geirn en ze loazn vele in de kerke vo jounges te kunn en, mo da lukte nie want je was impotent. Achter tien joar is ze gestorvn. Achter eur dôod wierd ’n verplicht van te trouwn mè Maria Anna van Beiern, prinsesse van Neuborg. Ze was e schôonzuster van keizer Leopold I van ‘t [[Illig Rôoms Ryk]]. Mo by eur lukteg' et nateurlik ook nie. Je gink styf achteruut en je schrêemde vele by ’t lyk van z’n êeste vrouwe, wa da doe peizn an [[Johanna van Kastilië|Johanna de Woanzinnige]].

 

 

Binst profiteerde Lodewyk XIV van de teegnsloagn van de Spoans-Habsburgsche dynastie vo z’n Ryk uut te breidn. (o.a. by de [[Slag by Kassel (1677)]])

 

Karel II stierf den êestn november 1700 in Madrid.

 

De stad [[Charleroi]] is noa Karel II genoemd.

[[sr:Карлос II од Шпаније]]

[[sv:Karl II av Spanien]]

[[tl:Carlos II ng Espanya]]

[[tr:II. Carlos]]