Sôorte

De sôorte (Latyn: species) is in de biologie een ounderofdêlinge van 't geslacht en de basis in de taxonomie.

De acht belangrykste taxonomische rangen.

't Is e groep van organismes me bepoalde erfelikke kenmerkn en eigenschappn die gelykig zyn. Ze zyn in stoat van hunder vôort te plantn me mekoar moa nie met andere groepn.

De noame is in 't Latyn en bestoat uut twêe dêeln. 't Êeste dêel is de noame van 't geslacht. De weetnschappelikke noame van e sôorte wordt assan cursief (schuins) gedrukt. E sôorte kan ook nog ounderverdêeld zyn in oundersôortn (Subspecies).

Vôorbeeldn

• Mens: Homo sapiens (geslacht: Homo)
• Zwyn: Sus scrofa (geslacht: Sus)
• Kalissie: Glycyrrhiza glabra (geslacht: Glycyrrhiza)
• Vlas: Linum usitatissimum (geslacht: Linum)
• Zêevounksje: Noctiluca scintillans (geslacht: Noctiluca)
• Hound: Canis lupus familiaris (oundersôorte van de wolf: Canis lupus, geslacht: Canis)