Karloman van West-Francië: verschil tussen versies

Verwijderde inhoud Toegevoegde inhoud
Pastel (discuusjeblad | bydroagn)
nieuw blad: {{Dynastie| | ploatje = Ofbeeldienge:Carloman II of France.jpg | noame = Karloman | leevn = ca. 866- 884 | functie = [[Ofbeeldienge:Autograf, Karl den store, Nordisk familjebok.p...
(geen verschil)

Versie van 15 jun 2009 14:30

Karloman (ca. 866 - 12 december 884) was de twidde zeune van keunink Lodewyk den Hakkeloare van West-Francië en Ansgarde van Bourgondië. Je wordt Karloman II genummerd achter Karloman I, de broere van Karel den Grôotn.

Karloman
ca. 866- 884
Keunink van West-Francië
Periode879-884
(tout 882 tegoare me Boudewyn III)
VôorgangerLodewyk den Hakkeloare
IpvolgerKarel den Dikkn
VoaderLodewyk den Hakkeloare
MoederAnsgarde van Bourgondië

Karloman was keunink van West-Francië van 879 tout 884, êest tegoare me zyn broere Lodewyk III, en van 882 ollêne.

Hunder voader was ook keunink van Aquitanië en Provence gewist. Aquitanië kwam ounder West-Francië, mo Provence wilde de twi zeuns nie ols ipvolger en ze koozn etwien van hunder: Boso van Provence. Ounder hem wierd ’t keuninkryk Lêger-Bourgondië (of Cisjuranië) gesticht.

Vo sterker te stoan teegn Boso van Provence en ook teegn de Vikings, kwoamn de Karolingische keuniengn, Lodewyk de Joungn van Oost-Francië en Lodewyk III en Karloman van West-Francië, overêen vor hunder gevecht vo Lotharingn te stoppn. Ze kwoamn in 880 tegoare in Ribemont. Ze bevestigdn doa, in ’t Verdrag van Ribemont, dat ’t stik van Lotharingn, dat achter ’t verdrag van Meerssen in 870 by West-Francië gekommn was, nu by Oost-Francië kwam. Lodewyk de Joungn verschoof azo de grenze van zyn keuninkryk Oost-Francië no ’t westn.

‘t Was de latste verdêlienge van ‘t Frankisch Ryk en die grenze tusschn Vrankryk en Duutsland blêeft de reste van de Middelêeuwn bykan ounveranderd.

Karloman veroungelukte binst dat ’n an ’t joagn was, en je wierd ipgevolgd deur zyn kozyn keizer Karel den Dikkn.

Overwinnienge van Lodewyk III en Karloman teegn de Vikings in 879 (Grandes Chroniques de France deur Jean Fouquet, 1455-1460)
Wikimedia Commons