Fossiel

Fossieln zyn d' overbluufsels of spoarn van prehistorisch leevn. Over 't algemêen zyn fossieln oud, 't is te zegn minstens 10,000 joar oud, en mêestol veel ouder, omdat 't overgroate dêel van de fossieln verstêend zyn deur de verplatsienge van d' ôorspounkelike overbluufsels deur rotse.

Fossilisoatie

Wadêd een mens moet onthoudn is da fossilisoatie vrê zelden gebeurt, and up 't land nog minder dan in de zêe. 't Is dôvan dan de mêeste fossieln marien zyn, en dikwils van geschelpte bêestjes, omdat die minder rap rotn, en dôdeure mêer kanse ên van te verstêenn.

Bêestnfossieln

Ammoniet

Crinoïde

De mêest olgemêene fossieln komn van brachiopoodn, bivalvia, crinoiedn en cephalopoodn, afhankelik van waffer geologische periode dê j' ounderzoekt.

Ichthyosaurus

Wuloarig neusôorn

Minder dikwils kujje gewerveldn viendn, gelik bêendern van ichthyosauruusn of woloarige neushôorns. Ge moe wel weetn wo da je der nô moe vôorn zoekn.

Plantnfossieln

Behalve in stêenkoollaagn zyn plant nogol schoars, en dat is ton mêestol gepetrifieerd out.

Versteend stik out

Spoarfossieln

Ichthyosaurus coproliet

Skolithos spoarn

Die zyn gemakkeliker te viendn, omdên een bêeste veel spoarn kan naloatn, mo moar êen lichaam

Viendplatsn in West-Vloandern

D' er zyn mo wênig plekkn in West-Vlaondern wo da je fossieln kunt viendn. Ge kud oltyd no de golfbrekers an de kust gon kykn, mo dad is eigentlik gin rotsen van ier. De dichtste plekn wo da je kunt goeie fossieln viendn is Cap Blanc-Nez ten zuudn van Calais.