Hof: verschil tussen versies

De volgende lyste zyn woordn die nogoal redelik deur mekoar wèirn gebruukt en woavan de betêkenisse mekoar ofwisselt.

 

Normoal gezien es den hof oal de grond van 'n [[hofstee]] da rond 'n [[huus]] ligt en beplant es mê verschillige sôortn plantn. Mêestoal es 't centroale dêel van ne klassiekn hof de peloeze. Doarrond ku je ton verschillige bôordn en oallerande verschillige fietje-fatsje-rietjes èin die bestoan uut [[struuk]]n, [[kruud]]n, [[bloum]]n en [[bôom]]n.

 

Et hovetje es mêestoal 'n ofgespann hof ip zyn minst 'n apart dêel van den hof. Dad es de plekke woa dan de minsn hunder groensels zettn.

 

Den kruudnhof (of ''kruudntuun'') es gelyk 't hovetje, mo nie nôodzoakelyk 'n appart dêel van den hof. In den kruudnhof wierdn er [[kruudn]] geplant. Et zyn der vele dee under kruudnhovetje dichte by under keukn moakn. Azô moetn ze toen nie deur undern hof koursn oa 't slicht were es.

 

Den vôorhof es 't stik van 't hofstee da van an 't huus tot an de stroate lôopt en beplant es me struukn, kruudn, bloumn en bôomn of geweun e stik peloeze. Neffenst of deur den vôorhof ligt mêestoal den [[iprit]].

 

Ne koer es over 't olgemêen nen hof da beleid es mee stêenn. Der komt hier normoal gesprookn gin peloeze in vôorn. Wel ku je verschillige stikkn èin die bestoan uut struukn, kruudn, bloemn en bôomn. Mêestoal es e koer e [[binneplatse]] en es 't hem omgeevn deur stêenn meurn. Me noemn da ton ôok wel ne [[binnekoer]].

 

Me spreekn ôok wel over ne koer, oa me 't èin over nen hof van 'n [[reekhuus]] in 't [[stee]]. Doar zyn d'hoovn ôok mêestoal ofgezet mèi stêenn meurn. Da makt da dadde der inderdoad uutziet lyk e binnekoer. Hier e je ton mêestol wel e peloeze.

 

Den lochtienk es ol 't geen da ip 't hofstee achter 't huus es. Den lochtienk es nie nôodzoakelik begroei mee plantn, moa da kud ôok geweune e stik mee [[koterie]] zyn.

 

Tuun es e [[lêenwoord]] uut 't [[Nederlands|Hollands]] en da betêeknt hof. Tuun es ofgeleid van ''túún'' da ofspanninge betêkende. In 't [[Duuts]] klappn ze nog olsan over uddern ''Zaun'' oan ze 't over hunder ofspanninge en.

 

[[ko:정원]]

[[la:Hortus]]

[[li:Tuin]]

[[lt:Sodas]]