Veloroute: verschil tussen versies

Verwijderde inhoud Toegevoegde inhoud
Geen bewerkingssamenvatting
David-bel (discuusjeblad | bydroagn)
veranderienge 142083 van 81.245.225.218 were weggedoan
Regel 1:
{{wiu}}
Een veloroute is een route daj oflegt vo de leute of vo een streke te ontdekn. Andre routes vo velorieders gelyk boann deur grôte steedn me express angelegte brugn en/of boan zyn feitelyk ôok veleroutn mo mêestal goat over 't êeste. In [[Vloandern]] moakn vôorol [[Antwerpn]] en [[Limburg]] reclam over undere veloroutn mo in West-Vloandern zyn der ôok veel veloroutn. In Antwerpn en Limburg ist mêer tussn de riviern en de beekn of de winndruvn- en appelplantoagn. Deurda der in West-Vloandern veel land ligt leent et em ôok goed vo veloroutn in te moakn en mêer en mêer gemêentn begunn da ôok te doen of de steedn legn extra fietsroutes (of monumentnroutes in en rond 't stad) an. In Antwerpn en Limburg zyn der ol veel minsn die noa gunter trekn vo der deur de nateur te riedn, da bringt dus goed ip vo de lokoale [[otel]]s en [[bed and breakfast]]s, dus speeln ze do nateurlyk ip in. Da sôort toerisme noemn ze fietstoerisme. An de kust en in 't Brugse ommeland ('t [[Houtland (West-Vloandern)|Houtland]]) adn ze ol wel wa veloroutn mo zuud-west vloandern doe nu ôok ze beste om bie te bêenn. Vôorbeeldn zyn de pas angeleide routn in [[Roeseloare]]: de Hoeveroute West en de Monumentenroute Oost. Soms riedn ze ôok deur busn. De routn zyn olsan bewyzerd me wyzers met de noame de lengte en de richtinge ip daj mo riedn vo 't volgende bordje te vidn. De routn startn mêestal ip de (markt)platste van een gemêente of een stad en ge kunt der koartn over verkriegn an de toeristischen dienst in 't gemêente/stadhus. Verre olle veloroutn endign were woa da ze begonn. Klikt anders ôok e kê beneedn ip categorie: veloroute wan doa stoan de veloroutn me een artikel ip dinne wikipedia iere.