Zoeknd leezn

Zoeknd leezn es 't zêere overlôopn van e tekste of e boek om rappe de juuste informoatie te vindn da je ip da moment nôodig edt.

Minsn dan dingn an't ipzoekn zyn in de leeszoale van de Saksische Stoatsbibliotheeke in Dresden.

Doarby begun je me 't overlôopn van de verschillige beschikboare soamnvattingsbronn van dedee dan 't minst noar dedee dan 't mêest gedetaileerd zyn:

• Inoudtofels
• Registers
• Ôofdstikkn
• Koppn
• Onderkoppn
• Paragroafn

Et es nie nôodig da je de tekst ol ne kêe êerder ed geleezn, mo da kudt vaneigns wel elpn by 't zoekn. Me jen ervoringe van 't onderwerp, go je ôok rapper goan weetn wo da je moet begunn zoekn.