Aartshertoginne Isabella: verschil tussen versies

Ze wos zy van [[1598]] tout [[1621]] vorstinne van de [[Nederlandn]]. Achter 'n dood van heurnen vint [[Albrecht van Oostnryk]] in [[1621]] kwam ze zy ollene [[Landvoogdn van de Habsburgsche Nederlandn|landvoogdesse]] van de [[Lege Landn]] tout an eurne dood in [[1633]].

 

Kort voor zynen dood gof Filips II an heur en heurnen vint de Lege Landn lik huwelikscadeau. Je wilde surtout ofgeroakn van 'n burgeroorloge da doa an 'n gank wos en hem handnvul geld koste. Zynder kosten d'r ounofhankelik over regeern moar d'r woarn wel enigste voorwoardn an verboundn:

 

Via heur huwelik gerochte ze zy ook aartshertoginne van Oostnryk.

 

[[Ofbeeldienge:Isabella Clara Eugenia as a nun.jpg|thumb|left|Isabella ofgebeeld lik Nunne ([[Pieter Paul Rubens]], 1625)]]

Albrecht en Isabelle woarn styf geirn geziene, surtout by de bevolkienge van de [[Zudelikke Nederlandn]]. Ze stoundn ollene de katholieke godsdienste toe en voerdn in [[1611]] 't [[Eeuwig Edict]] in. Dat hield in da familjenoamn moestn vastegeleid zyn en da kerkn verplicht woarn vo dop-, huwelik- en doodsregisters an te leggn.

Albrecht en Isabella woarn ook verzot up kunste. Surtout den bekendn schilder [[Pieter Paul Rubens]] wos lik hofschilder ne geirn geziene gast an hunder hof. Rubens wos ook diplomat vo d'aartshertoogn en hèit dikkers up missie gesteurd gewist om over oorlogen en vrede te goan ounderhandeln.

 

Achter 'n dood van Albrecht in [[1621]] keerdn de Nederlandn direct were noa de Spoansche krone die oundertusschn ounder keunienk [[Filips IV van Spanje|Filips IV]] stound.

 

't Liefst van ol wilde de styf katolieke Isabella werekeern noar e klooster in Spanje (Monasterio de las Descalzas Reales) moar zy en mochte nie van 'n keunienk. Ze moeste zy teegn eur goestienge in Brussel bluuvn vodder regeern lik landvoogdesse. Ze bleef wel streevn na vredesounderhandeliengn mèi de Noordelikke Nederlandn, zounder da de keunienk van etwod wiste.

 

't Ende van heur leevn brocht ze zy deure in e Vlams klooster. Achter heurn dood in [[1633]] keerde 't besteur over de Nederlandn were na de Spoanschn keunienk [[Filips IV van Spanje|Filips IV]]. Dendien stelde [[Ferdinand van Oostnryk]] an lik regent.

 

[[de:Isabella Clara Eugenia von Spanien]]

[[en:Infanta Isabella Clara Eugenia of Spain]]

[[es:Isabel Clara Eugenia]]

[[fr:Isabelle d'Espagne (1566-1633)]]