Wette van Moore: verschil tussen versies

Verwijderde inhoud Toegevoegde inhoud
MarnixR (discuusjeblad | bydroagn)
nieuw blad: thumb|Grafiek van de Wette van Moore De '''Wette van Moore''' stelt dat 't antol transistors up een computerchip ieder 2 joar verdubb...
(geen verschil)

Versie van 12 nov 2009 07:50

De Wette van Moore stelt dat 't antol transistors up een computerchip ieder 2 joar verdubbelt.

Grafiek van de Wette van Moore

De vorspellienge wierd in 1965 gemakt deur Gordon Moore, êen van d' uprichters van de chipfabrikant Intel. Toet vandage (2009) geldt de wette nog olsan, moa 't is wel de vrage hoe lange da 't nog kan bluuvn deurn: de reden doarvôorn is dat de miniaturisoasje nie ollêne ofhangt van de technologische voruutgank, moar up een bepoald moment teegn fundamentêle fysische grenzn moe stuukn.

Up 't moment da Moore zyn vorspellienge maktige in 1965 (up 't moment was over de dichtheid van de transistors up een board) gienkt je dervan uut dat de verdubbelienge ieder 12 moand zou gebeurn. In 1970 pastigde tjie zyn vorspellienge an omdat je vound da 't groeitempo zou vertraagn toet een verdubbeling van ieder 24 moand.

De oorspronkelijke voorspelling ging over de dichtheid van de transistors, maar later is zij ook op dit punt bijgesteld.

In april 2005 kocht Intel een exemploar van 't tydschrift Electronics, woarin da Moore in d' uutgave van april 1965 vô 't êest de fundamentn van de wette uutêenzettigde, vô 10.000 dollars up eBay, omdan ze zelve gin goe exemploar in under bezit haan.

Vanof 't joar 2006 is de kloksnelheid beginn'n stagneern, en tegenwôordig zyn der gin chips mè snelheedn boovn 3,8GHz. D' uplossienge van de chipfabrikantn is van processeurs mè mêer dan êen chip te bouwn, en tegenwôordign beginn'n computers mè Dual Core en zels Quad Core de norm te wordn.

Tegenover Moore zyn wette stoat de Great Moore's Law Compensator, die der up wyst dat over de joarn software mêer en mêer geheugncapaciteit nôdig hèt, en dat da ol de voruutgank van Moore zyn wette teniet' hè gedoan. In 't tydschrift InfoWorld hèt Randall C. Kennedy, vroeger by Intel, de snelheid van Microsoft Office 2000 en Microsoft Office 2007 up computers van 't zelste joar vergeleekn, en vound da vô de zelste take Office 2007 der twê kêern zo lange over deed up een typische computer van 2007 dan Office 2000 up een typische computer van 't joar 2000.