Zunsverduusterienge: verschil tussen versies
Verwijderde inhoud Toegevoegde inhoud
Geen bewerkingssamenvatting |
Geen bewerkingssamenvatting |
||
Regel 4:
Een '''zunsverduusterienge''' geburt ot de [[moane]] tusschn de zunne en d' eirde passèrt en de zunne gedêeltelik of hêelteganstn bedekt. Da kad ollêne gebeurn by nieuwe moane on de zunne en de moane in conjunctie mè mankoar stoan gelik da me ze zien vnof d' eirde. Per joar gebeurn der gemiddeld tusschn twê en vuuf zunsverduusteriengn, woavan dan tusschn nul en twê totoal zyn. Up êender waffer plekke up d' eirde zyn totoale zunsverduusteriengn een zeldzoamheid, omdat den totaliteit moar een klêen stikstjie van de moanschaduwe is, met een brêedte die geweunlik nie mêer is dan zô'n hounderd kilometer.
Een totoale zunsverduusterienge is een spectaculair nateurlik gebeurn, en veel mensn zyn gerêed van een deftig ende te reizn vôor êenn te zien. Azo woarn der veel Belgn die noa Normandië of de streke round Virton hèn gereen vo de [[zunsverduusterienge van 11 ogustus 1999]] te zien. An den andere kant kunn'n mensn die den astronomische verkloarienge nie kenn'n deftig de schrik krygn od het in 't middn van den dag olmetêens dounker wordt. 't Is doavan dat in den oudheid zunsverduusterieng toeschreevn an de goodn die vor êen of ander reden kwoadgemakt woarn.
==Sôortn==
| |||