Verdrag van Meerssen: verschil tussen versies

Met ‘t '''Verdrag van Meerssen''' wierd ‘t ryk van [[Lotharius II]] verdêeld ounder zyn nounkels [[Karel dende Kletsn]] en [[Lodewyk den Duuts]], de broers van zyn voader [[Lotharius I]]. In 870 kwoamn ze tegoare in Meerssen vo ’t verdrag te têeknn. Meerssen ligt nu in Hollands (Nederlands) Limburg.

‘t [[Frankisch Ryk]] was in 843 verdêeld gewist ounder de drie zeuns van [[Lodewyk dende Vroomn]] met ‘t [[Verdrag van Verdun]].

[[Lotharius I]], den oudstn, had ‘t [[Middn-Francië|middnryk]] gekreegn. ‘t Middnryk strekte van Friesland tout an de Provence memè nog e stik van Italië derby.

Nie lange vo zyn dôod hethèt ’n zyn middnryk verdêeld ounder zyn zeuns [[Lodewyk II van et Hillig Rôoms Ryk|Lodewyk II]], [[Lotharius II]] en [[Karel van Provence]] met ‘t [[Verdrag van Prüm]].

Lotharius II krêeg ’t mêest nôordelik stik van ’t ryk. Zyn keuninkrykkeunienkryk strekte van de [[Nôordzêe]] tout an ’t Juragebergte w.o. ’t nôordelik stik van Bourgondië, en wierd ''regnum Hlotharii'' (ryk van Lotharius) genoemd. Loater in de 10e êeuwe wierd ’t gebied ''Lotharingia'' genoemd. Da was ’t begun van de noame [[Lotharingn]].

Die verdêlienge he nie lange bestoan want Karel van Provence stierf ol in 863. Deurdat ’n gin jounges hadhaad, verdêeldn zyn twi broers zyn bezittiengn ounder makoar.

In 869 stierf Lotharius II. Achter zyn dôod wast er grôte verwarrienge omdat 'n ollêne mor e bastoardzeune hadhaad, Hugo II.

Keizer Lodewyk II, die eigentlik ha moetn ervn van zyn broere Lotharius II, was juste bezig met oorloge voern teegn de Saraceenn. Je veroverde Bari in 871. Zyn nounkels profiteerdn van die situoatië vor hunder mêester te moakn van Lotharingn en Karel dende Kletsn viel 't gebied binn vo zyn erfdêel ip t’eisn. Achter e joar kwamt er ’n ende an de gevechtn en in 870 wierd ‘t Verdrag van Meerssen getêeknd:

*Karel dende Kletsn krêeg olles ten westn der van.

Keizer Lodewyk II probeerde nog zyn erfrecht ip t'eisn en j’had de steun van paus Adrianus II, mo dat is nie memè gelukt. Je stierf in 875.

Keizer Lodewyk II had ollêne mo dochters en dus ook gin ipvolger. Achter zyn dôod vertrok zyn nounkel Karel dende Kletsn no Rome, vor hem tout keizer te loatn krôonn en je was ook ipvolger van Italië en Provence. Lodewyk den Duuts is nog e gevecht begost teegn Karel dende Kletsn, mo j’is ol gesneuveld by ’t begun van de veldtocht in 876.