Death: verschil tussen versies

37 bytes toegevoegd ,  10 jaar geleden
k
robot Anders: en:Death (metal band); cosmetische veranderingen
k (robot Erbij: nl:Death (band))
k (robot Anders: en:Death (metal band); cosmetische veranderingen)
'''Death''' is e deathmetalband uut Orlando in de [[USA|Verênigde Stoatn]] en die upericht is deur Chuck Schuldiner. Z'en bestoan van 1983 (toune nog ''Mantas'') toet 2001 (de latste joarn eigentlik ounder de noame ''Control Denied''). Ze zyn olgemêen anzien lik de uutvinders van 't genre ''Death Metal''.
 
== Ountstoan ==
=== 1983-1987: van d'êeste demo's toet Scream Bloody Gore ===
[[ImageOfbeeldienge:Scream_Bloody_Gore.jpg|thumb|left|100px|Cover van ''Scream Bloody Gore'', 'n êestn LP van Death]] Death is deur Chuck Schuldiner, tope me Barney Lee en Frederick DeLillo, upericht in 1983, ounder de noame Mantas. Nunder noame veraarde ol zêre in Death en in 1984 brochtn ze ''Death by Metal'' uut, nundern êestn demo. In de metalweireld van Florida kwaamn ze ezô indeliks zêre stief ekend. Ze brochtn tope nog twêe demo's uut, ''Reign of Terror'' en ''Infernal Death''. Doarachter dei Schuldiner vors zounder Lee en DeLillo. Achter e bitje zoekn en doen (e is oundermêer êentige weekn byn ''Slaughter'' uut Canada ewist), vound 'n me Chris Reifert uut San Francisco eindelik etwien woamei dat 'n echt vors kuste.
 
't Deurde toune toet 1987 vôorn dat 'n tope me Reifert eindelik en echte ploate kuste uutbriengn. Z'an nog e demo emakt, ''Mutilation'' en doadeure kustn ze e contract krygn byn ''Combat Records'', woadeure dan ze ''Scream Bloody Gore'' kustn moakn. 't Wos e ploate die indeliks brutoal en primitief kloenk. Z'et nog ossan 'n stempel van pioniersploate in 't genre. Achter die ploate wos Reifert oek nemi wel enoeg en Schuldiner kêerde were no Florida voun were tope te werkn me Frederick DeLillo en twêe andere groepsleedn van ''Massacre''.
=== 1988-1992: van Leprosy toet Human ===
In 1988 brochtn ze ''Leprosy'' uut, e ploate die van meziek stief trok up 'n dien dervôorn. 't Wos mo me nunder derde ploate ''Spiritual Healing'' dan ze begustn veraarn nor e geluud en genra die nunder zo kenmerknd makte (van indeliks brutoal no vele technischer en melodieuzer).
 
't Wos van toune vors da Schuldiner ollêne nog me gastmuzikantn wulde speeln en voun de derde ploate ''Human'' uut 1991 oalde 'n ''Steve DiGiorgio'' binn, tope me twêe muzikantn van 'n undergroundgroup Cynic (''Sean Reinert'' en ''Paul Masdival''). ''Human'' wos nog technischer en melodieuzer dan ''Spiritual Healing'' en ne verkochte oek beter dan ol dedie van dervôorn. Me ''Lack of Comprehension'' brochtn ze oek nundern êestn clip uut, die nu en toune ekir up MTV espeeld wos. DiGiorgio kuste nie mei up 'n weireldtournee omdat 'n nie weg kuste deur zyn eign group ''Sadus'' en doadeure moest Schuldiner were zoekn achter e nieuwn bassist, dat 'n vound me Skott Carino.
 
=== 1993-2001: van Individual Thought Patterns toet an 't ende ===
In 1993 brocht Schuldiner ''Individual Thought Patterns'' uut met Gene Hoglan van ''Dark Angel'' en Andy LaRocque van ''King Diamond''. 'n Dien latstn kuste nie mei gon tourn omdat 'n verplichtiengn adde me ''King Diamond'' en ne wos vervangn deur ''Ralph Santolla'' (loater byn Deicide, Obituary en Iced Earth). In 1994 kwam Death zest vôorn in en ofleverienge van ''Beavis and Butthead'', 't bewys van nunder bekendeid.
 
Uutendelik et Death bestoan toet in 2001, 't joar woarin da Schuldiner e creveerd is deur ersnstamkanker, woateegn dat 'n ol twi joar an 't vichtn wos. De live-CD's uut 2001 zyn uutebrocht voun geld te vergoarn voun ze chemo en operoaschn te kunn betoaln.
 
== Ploatn en demo's ==
=== Demos ===
* ''Death by Metal'' 1983 (Mantas)
 
=== Albums ===
* ''Scream Bloody Gore'' 1987
* ''Leprosy'' 1988
* ''Spiritual Healing'' 1990
* ''Human'' 1991
* ''The Best of Death'' 1992
* ''Individual Thought Patterns'' 1993
* ''Symbolic '' 1995
* ''The Sound of Perseverance'' 1998
* ''Live in L.A. (Death & Raw)'' 2001
* ''Live in Eindhoven'' 2001
 
== Externe koppelienge ==
* [http://www.myspace.com/supportchuck MySpace over Death en Chuck Schuldiner]
* [http://www.youtube.com/watch?v=euHMldrw4fw Clip van ''Lack of Comprehension'']
 
[[Categorie:Metal]]
[[da:Death]]
[[de:Death]]
[[en:Death (metal band)]]
[[eo:Death]]
[[es:Death]]
10.238

bewerkingen