Kwakkel: verschil tussen versies

'''Kwakkels''' (''Coturnix coturnix'') zyn veugels uut de familie van de [[fazante|fazantn]]. 't Zyn de klinste hoenderveugels van [[Europa]] en ol hier zyn 't gin standveugels: ze vliegn in de wienter no 't zuudn, surtout nor [[Afrika]], woamei dan 't oek d'ênigste hoenderveugels zyn die dat doen.

 

Kwakkels zyn veugels die surtout leevn up plekkn woa dan der nie te vele boomn stoan. Wêen en stikkn zyn ideoal voun nunder, mor oek olle sôortn aar [[ges]]land (lik steppegebiedn).

 

't Zittn der oek nog e masse up de Kaapverdische Eilandn, die ounder en aar oundersôorte volln, ''C. c. inopinata''. En toune is er oek nog en oundersôorte, ''C. c. confisa'', die leeft up Madeira, d'[[Azôorn]] en de Canoarische Eilandn.

 

[[Ofbeeldienge:Wachtel.jpg|thumb|left|220px|E koppel kwakkels met e nest kieksjes.]]Kwakkels zyn redelik klêne veugels, die toet 18 cantimeiters lank kommn. De hoann en d'henn trekkn stief up makoar, 'n bost van d'hoane is ollêne e bitje roster ekleurd, de pluumn an zyn kele zyn zwort en de witte striepn up zyn kop zyn oek beter te zien of van 't wuvetje. Voun de reste zyn ze bruun-grysde emarbeld van kleur.

 

Z'eetn olles dan ze up de ground tusschn 't ges kunn viendn, lik groan, zoad, bloarn en fernient. Omdan ze mêestol tusschn plantery zittn, zyn der nie vele menschn die kwakkels in 't wild gon zien. 't Is mêer keure voun ze t'hôorn, de vintjes roept etwot in 'n oard van ''kwi-kwe-kwi'' nog makoar.

 

Surtout in [[Vrankryk]] en [[Itoalië]] zyn der e masse kwakkelkwêkeryen, woa dan ze ekwikt zyn juuste lik [[enne|henn]], sommigte voun nunder vlêes en aar voun nunder eiers. 't Zyn oundertusschn oek ol verschillige rassn deur selecsje emakt, die grodder of aars van kleur kunn zyn ('t bestoat oundermêer ol e witte sôorte die oek witte eiers legt).

 

 

[[Categorie:Oene]]

[[eo:Ordinara koturno]]

[[es:Coturnix coturnix]]

[[fi:Viiriäinen]]

[[fr:Caille des blés]]