Vos: verschil tussen versies

'''Vossn''' zyn de grotste roofdiern die vôornkommn in [[West-Vloandern]]. Ze zyn deur vele menschn (zeker dedie die [[henne|henn]] henn) nie geirn ezien omdan ze e slichte reputoasche en voun zounder reedns olle kiekns in en hennekot dôod te bytn.

 

Vossn kommn vôorn in Nôord-[[Amerika]], hêel [[Europa]] (buutn [[Ysland]]), 't nôordn van [[Afrika]] en bykan hêel [[Azië]]. In [[Australië]] zyn z'uutezet voun de [[keun]]eploage die der wos (ouk achter dan dedie uutezet zyn deur de menschn voun derup te joagn), mo ze pakkn buutn keuns ouk e masse endemische bêestn, die verre ollemoale vele troagerder zyn of keuns. Ezô zyn der ol e masse bêestn die 't moelik henn. Zest zounder de grôte populoasche in Australië, is er gin êen landroofdier met zuk e grôte verspreidienge lik de rôodn vos.

 

Van biotoop leevn vossn eigentlik overol. Ze leevn in oopn land en in busschn, mor oundertusschn leevn der ouk ol e masse in de mêeste grôte steedn.

 

 

An ze joagn, doen ze dadde mêestol ollêne en oul hier mêestol a 't schemert of ol dounker is.

 

Vossn leevn in klêne grouptjes van [[1 (getal)|1]] vintje, êentige wuvetjes en de joungn. Van de joungn meugn ollêne de wuvetjes bluuvn, de vintjes joagn ze weg. Z'hen en hol, mo dat is ollêne gebruukt deur wuvetjes die in verwachtieng zyn. Hoevele joungn dat e wuvetje krygt, hangt of van d'omstandigheedn (at er vele teetn is of nie), mor in 1 nest kunn ze [[10 (getal)|10]] joungn henn.

 

Vossn kunn e joar of tiene oud komn, mo 't zyn der styf vele die vele jounger dôod goan, deur overreen te zyn van otto's, deur de jacht en deur stropery.

 

Van kleur zyn de mêeste vossn [[rôod]] (ze noemn nem oek wel ''rôodn vos'') vanboovn en [[wit]] vanounder. Nundern steirt is dikke en nunder pôotn zyn [[zwort]].

 

Vossn kunn bykan e meiter lank kommn (zounder nundern steirt, die ouk nog en hoolvn meiter lank ku zyn) en ze weegn round de 10 kilo.

 

 

* ''De Vos en de Roave'': e foabel van Jean de la Fontaine

* ''Lowieke de Vos'', e personoage uut de [[Olland|Ollansche]] tv-serie ''de Fabeltjeskrant'' (''Hatsikidee'' zeidt 'n ossan)

 

 

[[Categorie:Vos]]

[[fr:Renard roux]]

[[gl:Raposo]]

[[he:שועל מצוי]]

[[hr:Crvena lisica]]