Cannibal Corpse

Cannibal Corpse is e Amerikoanse Deathmetalband, upgericht in 1988. Cannibal Corpse erkenboar an de agresieve maniere va gitare, bas en drum. De vocals (grunt) zyn stief lage, voorol dedéé va Chris Barnes. Ook erkenboar an de band zyn de songtekstn die goan over moord, horror, martelieng, verminking...

De tekstn zyn zwo erg da sommige albums nie meugn gespeeld wordn in oender andere duutsland, in vele europese landn meugt da wel. De grofhied kuj ol zien an de tittels van euder nummers, lik bievoorbeeld: a Skull Full Of Maggots, Butchered at Birth, Hammer Smashed Face, I Will Kill You, Meat Hook Sodomy...

Andere kenmerkn zyn de albumhoezn, woa va sommige zwo erg zyn daze in sommige landn verboodn zyn. e goe voorbeeld is de albumhoeze va Butchered at Birth woada ne moedre deur ne zombie word vermoord en nandern eur kiend vaste oed. Loater eze de mjiste albums in gecensureerde versie utgebrocht zwo da ze toch in de mjiste landn verkocht mochtn wordn. De albumhoezn zyn gemakt deur kunstenoare Vincent Locke.

In 1994 et Cannibal Corpse voorgekomn in de Jim Carey-Filme Ace Ventura: Pet Detective. In die filme speelt de band et nummre Hammer Smashed Face va et album Tomb Of The Mutilated.

Chris Barnes is tiedns de upnames va et album Vile ut de band gezet, ie speelt nu in de band Six Feet Under en et ook ne album gemakt mi Torture Killer. Ie werd vervangn deur George "Corpsegrinder" Fisher die kwam va de deathmetalband Monstrosity

Trivia

• Jim Carrey's favoriete band is Cannibal Corpse, doarom wilnde daze e bierolle kreegn in z'n filme Ace Ventura: Pet Detective.

• De band et ruum 1 miljoen exemploarn verkocht va euder albums, zoender etwoasn airplay te kriegn

Discografie

• 1989 Cannibal Corpse (demo)
• 1990 Eaten Back to Life
• 1991 Butchered at Birth
• 1992 Tomb of the Mutilated
• 1993 Hammer Smashed Face (EP)
• 1994 The Bleeding
• 1996 Vile
• 1998 Gallery of Suicide
• 1999 Bloodthirst
• 2000 Live Cannibalism
• 2002 Gore Obsessed
• 2003 Worm Infested
• 2003 15 Year Killing Spree
• 2004 The Wretched Spawn
• 2006 Kill
• 2009 Evisceration Plague

bandleedn

• George "Corpsegrinder" Fisher
• Pat O'Brien
• Rob Barret
• Alex Webster
• Paul Mazurkiewicz

Ex-bandleedn

• Jeremy Turner
• Jack Owen
• Chris Barnes
• Bob Rusay

Externe lienk

• Website va Cannibal Corpse

Ofbeeldiengn die ier by passn ku je vien in de categorie Cannibal Corpse van Wikimedia Commons.