[[Ofbeeldienge:LeonardoBrugge.jpg|thumb|right|Blommentapyt van de 'Man van Vitrius' van Leonardo da Vinci in [[Brugge]]]]
'''Leonardo da Vinci''' (oenbekend ([[Itoalië]]), [[15 april]] [[1452]] - Cloux (nu Clos-Lucé) ([[Vrankryk]]), [[2 meie]] [[1519]]) wier geboorn ols de bastoardzeune van een notoaris en een boerinnetje. Je was een beroemden [[Itoalië|Italioansen]] architect, uutviender, ingenieur, filosoof, sterrekundigen, nateurkundigen, scheikundigen, biltouwer, schryver, schilder en componist uut de pèriode van de [[Renaissance]]. Je wordt anzien ols het schoolvoorbild van et renaissance-ideal van de ''uomo universale'' en ols genie.
't Mêest gekend is 't ie deur zun schilderyen: Et ''Laste Avoundmoal'', de ''Mona Lisa'' vo der moar een poar te noemn. Van de bilden dat ie gekapt eet is 't er gèn èèn bewoard gebleevn. Der zyn de latste joarn verschilligste schryvers die sugereern dat er in z'n schilderyen verborgen boodschappn zitten womee dat ie teegn de kerke protesteerde zounder dan ze da zelve deur aan. De populairsten van die schryvers is [[Dan Brown]] me z'n ''Da Vinci Code'', mo vele beter is [[Javier Sierra]] me ''Het Laatste Avoundmaal''.
Neffest kunstenoare was 't ie ook nog uutviender-ingenieur. Je schrêef styf veel ip in z'n antekenboeken, wo dan der bikans 8000 bladzyden van were gevounden zyn. Da were vienden is mo in de 19ste êeuwe gebeurd. Volgenst sommigste was Leonardo z'n tyd verre voruut en was 't ie een echte genie. Andere wyzen der ip dat er in dien tyd vele uutvienders-ingenieurs woaren (kyk mo no [[Simon Stevin]]) die ol under gedachten ip papier zettigen vor on ze deur den èèn of den anderen keunink e kè gevroagd wieren vor under me 't êen of 't ander t'elpen, mêestol in probleemn van orloge.
