Hendrik Pickery: verschil tussen versies

[[Ofbeeldienge:Brugge - Jan Van Eyck 1.jpg|thumb|<center>Standbeeld ip de Jan Van Eyckplatse in Brugge]]

'''Hendrik Pickery''' ([[Brugge]], [[17 september]] [[1828]] - [[27 juli]] [[1894]]) was e [[beeldhouwer]] en lêroare an d'Academie vo Schône Kunstn in Brugge.

Hendrik Pickery was de zeune van bakker Albert Pickery en Barbara Dubois. De bakkerye, die êest gevestigd was an de Langereie (ip den hoek van de Klêne Nieuwstroate) en loater an den [[Eiermarkt (Brugge)|Eiermarkt]] (nu Café de Pick), was surtout gekend vo zyn amandelbrôod en ''Noeuds de Bruges'' of ''Brugse achten''.

Voader Pickery zag achter een ende da zyn zeune mêer g'interesseerd was in beeldn moakn of in de bakkerstiel en je mocht goan studeern an de Brugse Academie vo Schône Kunstn, die ton gevestigd was in de [[Poortersloge]] in d'Academiestroate. Je was nie allêne beeldhouwer mor êest ook schilder. Van 1850 tout 1855 giengt 'n ton noa d'Academie vo Schône Kunstn in [[Antwerpn]]. Je volgde doa de lessn beeldhouwkunde en je wierd vermeld by de beste lêerliengn.

Je trouwde met de bakkersdochter Mathilde Vanneste, en z'han zes jounges, vuuf zeuns en e dochter. Hunder oudste zeune Gustaaf ([[1862]]-[[1921]]), is ook beeldhouwer gewordn.

 

Van 1861 tout an zyn dôod in 1894 was Hendrik Pickery lêroare an de Brugse Academie.

*Standbeeld van [[Jacob van Maerlant]] in [[Damme]] (1860)

*Standbeeld van [[Hans Memling]] ip de Woensdagmarkt in Brugge (1871)

*Verschillige hilligenbeeldn, vier biechtstoeln en de lambriserienge van 't kôor in de klôosterkerke van de Poaters Karmelietn in de Boeveriestroate in Brugge

*Twi [[karyatide]]s ofkomstig van ''Villa Doris'', e dykhuus van 1879 dat ip d' Albert I Promenade in [[Ostende (stad)|Ostende]] stound, mor achter de [[Twidde Weireldoorloge]] ofgebrookn is, vo plekke te moakn vor een appartementsgebouw (Mar Del Plata). De beeldn stoan nu an de voet van d'oude woatertorre an 't Maria-Hendrikapark van Ostende ('''t Bosje'' in de volksmound).

 

[[Categorie:Beeldouwer|Pickery Hendrik]]