Wezel: verschil tussen versies

'''Wezels''' zyn klêne roofdiern uut de familie van de marters. 't Zyn de kleinste zoognde vlêeseters in de weireld.

 

Wezels komn vôorn in Nôord-[[Amerika]], Nôord-[[Afrika]], [[Azië]] en [[Europa]] (nie in[[Ysland]] en [[Ierland]]). Ze zyn ouk uutezet in [[Nieuw-Zêeland]], woa dan ze mei verantwôordelik zyn voe 't vermiendern van vele endemiesche sôortn doa.

 

Wezels overleevn overol, zolange dat er mo teetn enoeg is en dan ze enoeg pleksjes enn voe nunder te duukn.

 

Wezels zyn styve klêne bêestjes, de vintjes komn me nunder steirt derby (die e cantmeiter of zeevn lank komt) bykan nôois langer of 30 cm. De wuvetjes zyn zest nog klinder. Van vorme zyn ze lank en fyn met e lange nekke, korte potjes en e kort stirtje.

 

Ze zyn rôod toet bruun van kleur (nundern boovnkant) en wit vanounder. Sommigte verkleurn in de wienter en kommn toune wit, mo dat is nie olgemêen en surtout by de nôordelikke populoasches gebeurt dadde.

 

Wezels leevn ollêne en weunn in en olletje die mêestol van êen van nundern prôoin ewist is. Ze joagn up olles da nie te grôot is (wuk da nie wult zeggn dan ze up nietnd joagn die midder is of zyder zevve). [[Muus|Muuzn]], fernient, puutn en [[keun]]s zyn ollemoale bêestn dan z'eetn.

 

Wezels komn in 't wilde mêestol mor e joar of 3-4.

 

 

[[Categorie:Marterachtige]]

[[sc:Ana e mele]]

[[sk:Lasica myšožravá]]

[[sr:Ласица]]

[[sv:Vessla]]