Catherine Verfaillie: verschil tussen versies
Verwijderde inhoud Toegevoegde inhoud
k revert |
|||
Regel 1:
'''Catherine Verfaillie''' ([[Yper]], [[1957]]) es een [[wetenschapster]], mêer bepoald een [[molecualire biologie|moleculair biologe]]. Ze groeide vôoral ip in Woaregem.
==Onderzoek==
Catherine Verfaillie ès voorol bekend van eur [[stamcelounderzoek]]. Een stamcelle es een celle die nog nie tot een bepoald sôorte celle ountwikkeld es. Catherine stound mee an de wiege van de ountdekkinge van het feit dat zukke celln eigenlik tot gelik welke celle keunn ountwikkeln. Da eit belangryke toepassingn by het herstel van een artinfarct, Alzheimer, Parkinson, reuma, diabetes en kanker.
==Biografie==
Catherine was êest begoest ip an carrière als atletiekster (vuufkamp) en ingenieur. Osse achttiene kwam, kreeg ze un serieus probleem met eure knie en mochte ze den atletiek vergeten.
<br>Ze starte eur studies vôor dokter in de geneeskunde. Ze deed eur stage als vroedvrouwe in de Kempen woa dazze 150 pagadders ip de weireld ielp zettn.
Zès eur academische carrière begonn an de [[KULAK]]. Zeit eur doctoroat behoald in 1982 aan de [[KULeuven]] in de genees-, heel- en verloskunde. Achter das ze eur nog wa verder gespecialiseerd eit, es ze utgeweken noa de [[Verênigde Stoaten]], in 1987. Zès ton assistent-professer en full professer gewordn in '91 en '98 respectievelik an de University of Minnesota. In 1999 eis ze et gerenommeerde [[Stem Cell Institute]] (SCI) van [[Minnesota]] ipgericht, het grôotste ounderzoeksinstituut in de weireld van Stamcelounderzoek. In 2005 es ze weregekièrd noar [[Vloandern]], ipnieuw noar eur KULeuven roots woarda ze een Vloamsen variant van het SCI iprichte, het SCIL. Ze krêegt doavôo van 2006 tot 2011 joarlijks 1,5 miljoen Euro subsidies.
Catherine oat gêen tyd vôo trouwen en kindjes te combineren me en carrière; doa goa nie goed in en typische manneweireld. Zes ôok e typische West-Vloaming: stille werken, werken en nog an bitje werken; gêen tyd vôo te kletsen of show.
Ip 10 October 2006 kwamter by [[Lannoo|Utgeverie Lannoo]] ut Tielt an biografie uut "Van cellen tot daden" deur Gudrun De Geyter.
In 't vôorjoar van 2007 is êen van eur ounderzoek'n en de conclusies omtrent 't gebruuk van stamcellen gecontesteerd. Catherine geeft toe dat er meschien wel te zêre gewerkt gewist is. De zoake is in ounderzoek.
==Gewon prizzen==
* José Carreras-pris in 2003
* Leukemia Society of America Award
* Damasheck-pris van de Amerikoanse Verêniging voo Ematologie
* Êredoctoroat an de [[KULeuven]] in 2003
* Vlerick Award in 2005
==Externe koppelienge==
* [http://www.kuleuven.ac.be/patroonsfeest/2003/eredoctores/Verfaillie.htm Laudatio voo Catherine Verfaillie]
* [http://www.uzleuven.be/nieuws/index.cfm?&objectyd=CF7EBBCE-F18D-4986-BD6B41C46C48E280 Persbericht openinge SCIL]
* [http://www.the-scientist.com/news/display/52892/ www.the-scientist.com] Adult stem cell report questioned
[[Categorie:West-Vlamsche weetnschapper|V]]
[[Categorie:Dokteur|V]]
[[Categorie:Yper|V]]
[[en:Catherine Verfaillie]]
[[nl:Catherine Verfaillie]]
| |||