'''Algebra''' es een hêel belangryk ounderdêel van de [[wiskunde]]. In 't begun gieng da over getalln: uptelln, oftrekk'n, vermenigvuldign, dêeln, vergelykiengn uplossen,... (Wyder zoen zeggen: reeknen). D'r zyn dus ôok ne hêleboel regels nôdig vor al die diengn te kunn'n doen.
't Is uutgevoen deur d'[[Arabiern]] en 't is toen ôok afgeleid van d' Arabische wôorden: ''Hisab al djabr we ol moekaballah'' (da wil zeggn: ''herschikk'n en teegnôverstelln''). Dat es den titel van e boek geschreven door [[Al Choewarismi]], van wiens ne noame dat et woord ''[[algoritme]]'' es afgeleid. Zyder zyn êen van de vele volken die ôok 't concept van 't [[0|getal nul]] uutgevoen èn.
Algebra werd in dien tyde voorol gebruukt vô [[astronomie]].
Nu goat algebra eigenlik over 't reeknen met olgemêne symbolen die getalln vôrenstellen. Hêel dikkens zyn die letters de latste letters van 't alfabet: x, y, z, ...
Verschillende sôorten algebra:
* Elementaire algebra: goat over d'eigenschappn van [[reële getalln]] en over de rekenregels en de regels vo 't uplossen van vergelykiengen.
* Abstracte algebra: goat over wiskundige structeurn lik [[groep]]'n, veld'n, ...
* Lineaire algebra: goat over [[vector]]en en [[vectorruimte]]n
* Computeralgebra: goat over de algoritmen vo 't symbolisch reeknen.