Guillaume Charlier: verschil tussen versies

'''Guillaume Charlier''' ([[Elsene]], [[1854]] – [[Sint-Joost-ten-Node]], [[1925]]) was een beeldhouwer uut ‘t Brusselse die vele ip vakanse kwam in [[Blanknberge]].▼

Charlier was den oudstn van een krôostryk gezin. At’n viftien joar oud was stierf z’n voader. Je was verplicht van by verschillige kunstnoars te goan werkn vo ’t gezin t’ elpn ounderoudn en vo zyn studies te kunn betoalen. Negen joar loater, in 1879 kocht de [[mecenas]] Henri Van Cutsem zyn êeste werk en da betêkende vor em ’t begun van een comfortabel burgerleevn. Charlier verblêef een poar moandn in [[Italië]] en kwam azo in contact met de antieke kunst moa je was surtout ginteresseerd in de geweune menschn ip stroate. In de loop van zyn carrière et ‘n verschillige thema’s gebruukt. Soms religieuze ounderwerpn of scènes uut ’t leevn van oarme menschn woarin dat de moederfigeure een belangryke rolle speelde. Je gienk vele ip vakanse in Blanknberge en je dêed nie liever of klappn over ’t werk van de visschers en de geweune menschn ip de piere of ip den dyk. Charlier was ook een grôot portrettist en j’et vele werkn gemakt vor oopnboare plengs in Belgje. Die bestelliengn woaren ’t bewys da z’n kunst officieel erkend wierd. Me z’n jovioal en socioal karakter dêed Charlier mee an ’t culturele leevn van zyn tyd. Je was lid van “La société Nationale des Beaux-Arts” en de kunstenoarsgroep “[[Les XX]]”. De mêeste van zyn werkn zyn te viendn in ‘t “Museum vo Schône Kunstn” in [[Doornik]] en in ’t [[Charliermuseum]] in [[Brussel]].▼

*Een rampe noa de zêedyk in Blanknberge is vernoemd noa Charlier: de “Charlierhelling”▼

*’t [[Monument van Lippens en De Bruyne]] ip de zêedyk en ’t monument “Moedersmart” ip ’t kerkhof van Blanknberge zyn werkn van Guillaume Charlier.▼