Mark Cavendish: verschil tussen versies

==Up de boane==

In 2006 wos 'n êest stagiair byn ''Sparkasse'', 't joungernteam van ''T-Mobile'' (egroeid uut ''Deutsche Telecom'', loater van tyd ''Team Highroad'', ''Team Columbia'' en ''HTC-Columbia'' van noame ewist), in 2007 mucht 'n echt begunn, byn da zeste T-Mobile. En hadde 't moelik in 't begun, want ne kuste bykan gin êen koers uutryen. Zyn êestn koers dat 'n wel kuste uutryen, wos de ''Scheldeprys'', dat 'n van 'n êeste kêe wonne. E muchte oek mei no 'n Tour, mo doa viel 'n in d'êeste twêe rittn ('n êestn wos in [[Londn]] en ewonn deur McEwan en 'n twiddn no [[Gent]] en ewonn deur Gert Steegmans vôorn [[Tom Boonen|Bôone]]) en ne gaf uuteindelik up in 'n achtstn rit. E won da joar wel 11 koersn, ollêne [[Alessandro Petacchi|Petacchi]] won in zyn êeste joar eevnvele koersn.

In 2008 kwam de grôte deurbroake. Êest wont 'n tope me Bradley Wiggins 't weireldkampioenschap ploegkoers in Manchester, in oest gienk 'n tope me Wiggins no d'[[Olympische Speeln]], mo doa wos 'n 'n ênigsn Iengelsman die gin medaille kuste winn up de piste, Wiggins won wel nog d'achtervolgienge, individueel en in ploeg. In 'n Giro wont 'n voun 'n êeste kêe e rit in e grôte rounde, e gienk doa nog e twiddn winn en in 'n Tour zest viere, e gaf toune up in 'n vichtiensn rit voun t'enterneern voun d'Olympische Speeln.

 

 

In 2010 wos 't ollemoale e stik miender in zyn vôorbereidienge. Deur zêer an zyn tandn kust 'n mor in februoari begunn ryen, in de Ruta Del Sol. E moeste lossn in Milaan-San Remo, mor e kuste egliek winn in de Rounde van Catalonië en in de Rounde van Romandië, woa dat 'n wel uut koers hoald is deur zyn ploeg, achter dat 'n over de mete kwam me 't V-têekn, die in Iengeland 't zeste wult zeggn lik je middnstn vienger upsteekn. En hadde 't moelik en in 'n êestn sprint van 'n Tour makt 'n verkêerde keuzn, woadeure dat 'n mo 'n twoofsn wos. 'n Dag derup wont 'n wel en ne moeste indeliks bleitn up 't podium en beisn interview, deur ol de zoagienge dat 'n ol ekreegn hadde. 'n Dag derup sprintte 'n were no d'êeste plekke, zyn twoofsn rit in 'n Tour. In de doagn doarup won 'n nog 2 rittn, oek up 'n Champs Elysées won 'n me ze viengers in zyn neuze.

 

 

==Ploegn==

*Sparkasse: 2005-2006