Griekse goodn

Der zyn vele Griekse Godn, mo de bekendste zyn dedie va de Olympusberg (int nôordn va Grieknland). De meeste va ier oendr zyn va de Olympusberg, mo de oenderste nie ollemale.

• Zeus is den opprgod, nis de zeune va Kronos. Zeus is den God van de dunder en de bliksem en zyn bienamn zyn Wolknverzamelaere en Bliksemslingeraere.
• Hera is de vrouwe en de zustr va Zeus, zis dus ook e dochtr va Kronos. Zy is de beschermster van de vrouwe en de Godinne van 't huwelijk.
• Poseidon is e broere va Zeus en dus ook were de zeune va Kronos. Nis de zeegod met de drietand en zyn biename is de aardschokkr.
• Demeter is de Godinne van de landbouw en de vruchtboarheid. Zy zorgde voe 't voedsel voe de Griekn.
• Hermes is de zeune va Zeus en Maia (das e dochter va Atlas)en nis de bode va de Godn. Nis de God va de list en de handel(-oars)en de dievn.Nis ook de begeleidr van de schimmn no 't us (=huis) va Haides.
• Athena is de dochtr va Zeus. Ze was ut vulle wapnutrusting ut Zeus zyn hoofd gekomn, en Hera voendt da nie zo geestig. Athena is de Godinne van de wysheid en eur bienamn zijn Pallas en Tritogeneia.
• Ares is de zeune va Zeus en Hera en niemand et em gêern omdatn de God va de oorlog is.
• Afrodite is de dochtr va Zeus en Dione, of ze is uit 't schum va de zee geborn. Zy is de Godinne va de schoonheid en va de Liefde.
• Apollo is de zeune va Zeus en Leto, zen tweelinkzuster is Artemis. Apollo is de God va 't licht, d'harmonie, de kunsten en de wetnschappn.
• Artemis is de dochtr va Zeus en Leto, en eur tweelinkbroere is dus Apollo. Zy is de Godinne va de jacht. Zy brinkt e pynloze dood me eur zachte pyln.
• Hefaistos is de zeune va Zeus en Hera, mo Hera moest em eest nie en en dus e ze zy em va e berg gesmetn. Doarom stoatn em bekend als de kreupele God. Mo ne wel twee rechtrhandn, wa nis de God va 't vier en de smeedkunstn.

• Haides is de God va de oenderwereld, nis e zeune va Kronos en e broere va Zeus.
• Eris is de Godinne va de ruzje en de twist. Volgens de mythe ist deur eur da de Trojaanse Oorlog is begonn.
• Helios is de zeune va Hyperion en nis de God va de zunne. Em rydt iedrn dag me ze zunnewagn roend.