Respoeë: verschil tussen versies

}}

'''Respoeë''' ofte '''Respoue''' ([[Frans]]: ''Rexpoëde'', [[Nederlands]]: ''Rekspoede'') es e gemêente in [[Vrankryk]] in't [[Noorderdepartement]]. 't Ligt in [[Frans-Vloandern]] in't [[Blootland]], nie verre van [[De Schreve]]. Respoeë grenst an de gemêentn [[Killem]], [[Oost-Kapel]], [[Bambeke]], [[West-Kapel]] en [[Warrem]].

 

==Etymologie en geschiedenisse==

Respoeë es ol in 1107 vermeld ounder de noamn ''Rexpouda'', ''Rikespold'' en ''Rikespoud'', afkomstig van't [[Germoann|Germoansche]] ''Rikis Bothia''. In de [[Flandria Illustrata]] van [[Sanderus]] van [[1650]] wierd 't dorptje ''Rexpoele'' enoemd byst da koartn en schilderyn van de kasselry'n [[Bergn (Frans-Vloandern)|Bergn]] en [[Veurne]] et ''Respoue'' noem'n, juuste gelyk da 't dorptje nu nog wordt enoemd in't Vlamsch. Officiël noemt et nu in't Frans ''Rexpoëde'' me en trema, oloewel da 't ezo nie uutgesprookn wordt.

 

In den achtrmoat van de religieuze spanniengn en de verwoestiengn van de [[Beeldnstorm]], a'n ip 25 januari [[1567]] de [[Geuzn]] den pastr, de vicaire den kostr van't dorp vermôord. Byst de [[Fransche Revoluusje]] woarn der in Respoeë antins klêene batteriengn in de periode [[1791]] tout [[1793]]. In 1793 woarn der ôok twêe belanryke velsloagn in en round Respoeë die koadern in d' [[Êeste Coaliesjeoorloge]]. Ip 21 oest bezettn de Ingels-Hannoversche troepn van moarschalk [[Heinrich Wilhelm von Freytag]] 't dorptje vo 't versterkte stadje Bergn in te pakkn, wa e verlies wos vo de Fransche republikinn'n (ôok Sanskullottn enoemd) die zwoar in oundertal woarn. Ip 6 en 7 september van da zelfde joar wierd 't dorp in de contexte van de [[Slag by Oundschote]] were ingepakt deur de Fransche en wierdn moarschalk von Freytag en prins Adolphus, de zeevnde zeune van keunink [[George III van Ingeland]], zelfs vo e moment deur de Fransche gevangngezet in Respoeë, mo wierdn ze were gered.

 

==Bezienswoardigeedn==