Hoofdmenu openen

Wijzigingen

269 bytes toegevoegd ,  12 jaar geleden
k
sp
 
'''Kort'ndrank''' es nen drank woarin datter mêer dan dertig groaden alcol zit.
't Es 't resultoat van de distilloatie of '''t stoken'' van win of enander gegiste of gefermenteerde vloeistoffe in nen alambic of distilleerketel. De mêest bekende kortendrankn zin geniver, gin, whisky, cognac, vodka en rum.
Den ôorsproeng van 't word is vôorolsnog onbekend. Meugliks zoe't kun zin dat te moaken ein me veel alcol inne klêene flaske, en dajje in korten tid straf droenke kunt groaken.
 
Histories kenn'n we vôorol de geniver (geniverbeze), verwant an den iengelske gin, de noord Franske genièvre (zoals de machtigen Wambrechies), In [[Vloandern]] ester veel konkurrense voor de geniver varianten; in Hasselt peizen ze zelfst da'zedazzet t'utgevonden ein. Ôok in Luik (de "Péquet de Liège") en verdervôder over Luxemburg noar Duutsland lôopt er un spoor van geniver met vele noamen en varioasies. Ôok in Olland zin zer nie vis van: iederêen kent den Bols en de Bokma. Nog mêer noa 't Nôrden komdje in de scandinavische landen woarda de taksen stif ôoge zin en de temperaturen stif lêge: 't ideoale recept vô ne bloeiende zwarte mart. Ulderen Aquavit es in feite ôok en variatie van geniver, moa de smoake van 't kruud komijn es dominant.
 
Te lande woaren der minsen die de win kookten in ne geweunen kookketel en den damp lieten neresloan tegen de metoalen ulle: 't gêne datter van d'ulle ofdruppelde was kortendrank. Sommigen moakten win en kortendrank van [[Pisseblomme|pisseblommen]].
 
Moar in de grond is t't simple: ze keunen bie oes ollêene moa "eau de vie" moaken die omzeggens gêen smoake eit. Doarom angen ze bie 't distilleren, geniverbezen dr'in omdadrin omdat't toch nog noa wadde zoe smoaken. 't Geheim van de smoake ligt dus in de grondstoffen om de win te moaken, bivôorbeeld gerstewin en de kruden die d'rin angen bie 't stoken.
 
Tot omtrent de joaren 1985 was t'erter ôok ne bloeiende circuit van illegoalen alcol in [[Vloandern]]. Ie smoakte noa ne mix van ether en ofgewrochte olie; moar ie was goekôpe en je kwamt'er toch zat van. Iedre kêer datter er iemand stif rap smôorrikke kwam doachtpeisdige iederêen aanan alcol.
 
Er zin gevallen bekend van koebêesten die stif rap stekevet kwoamen omdazze den ofvol van de stokerie ip mochten eten en drinken.
6.865

bewerkingen